Nag-angat ng ulo si Eurus. "Kailangan daw manatili ni Stephanie sa kaniyang kaharian bilang kapalit ng pakikipagkasundo niya sa inyo." Muli itong yumuko pagkasabi ng nakababahalang kundisyon ni Hades.
"Ano?!" sabay na sabi ng lahat, maging ni Stephanie.
Naramdaman ng lahat ang pagyanig ng Olympus, ang pagkulog at pagkidlat. Kinabahan si Steph. Galit si Zeus. Muntik na siyang matumba mula sa pagkakatayo niya sa gitna ng bulwagan, malapit kay Eurus, dahil sa lakas ng pagyanig.
"Huminahon ka," paalala ni Hera sa asawa. "Nais mo bang magunaw ang mundo? Hindi ito an oras para magpadala sa init ng ulo. Kailangan natin ang kooperasyon ni Hades ngayon."
Huminga nang malalim si Zeus, paulit-ulit na mabilis na paghinga para pakalmahin ang sarili. Unti-unting tumigil ang pagyanig ng Olympus. Ilan
