Chapter 34
“Dito po…”
May hawak na kandila si Fatima ganoon na rin si Sayah habang si Fenris ay nasa likuran nilang dalawa. Mula sa isang maliit na pasilyo tinungo nila ang dulo non at may pinindot si Fatima na maliit ng buton sa gilid at kaagad nang lumabas ang hagdanan paibaba.
“Ibig sabihin ay ang iyong ama ang gumawa ng taguan na ito? ngunit bakit parang sa aking tingin ay matagal na ito...” sabi ni Fenris habang inililibot nito ang tingin sa paligid.
Walang kailaw-ilaw sa buong lugar tanging ang kandila na kanilang hawak ang nagbibigay liwanag sa kanilang dinaraanan.
“Ang sabi po sa akin ng aking ama ay ginawa niya ito upang pagtaguan namin. Nang nakaraang limang buwan lamang lumusob ang mga bandido pati na ang itim na wizard. Pagkatapos ng dalawang buwan na pagtitiis sa takot na
