Chapter 35
Kitang-kita ni Sayah ang takot sa mga mata ni Fatima. Nagawi ang kaniyang paningin sa mga kamay nitong magkasalikop na nanginginig. Nang muli siyang humarap sa hagdan kung saan sila bumaba kanina ay naikuyom niya ang kaniyang mga kamay.
Walang maliligtas kung walang magliligtas. Mabubuhay sa takot ang mga naninirahan sa bayan ng riza kung hindi sila gagawa ng paraan.
“Narito kami para tulungan ka at ang mga naninirahan pa rito sa lugar ninyo, Fatima. Hindi mo kailangan mag-alala para sa amin, hindi ba at naghihintay ka ng mga nilalang na makakatulong sa bayan ninyo?” tanong niya.
Hindi kaagad sumagot si Fatima, lumapit siya rito nang makita niyang sunod-sunod na tumulo ang mga luha nito.
“Alam ko ang nararamdaman mo. Natatakot ka na baka mapaslang kami ng itim na wizard
