“OKAY ka lang ba, iha?”
Napakurap si Ira nang marinig ang pamilyar na tinig. Nasa likod bahay siya ng oras na iyon. Katatapos lang niyang magdilig ng mga halaman kaya nagpapahinga siya habang nakatanaw sa swimming pool. Hapon na at hindi na mainit ang sikat ng araw
Nilingon niya si Nanay Salome na hindi niya namalayang nasa likuran pala niya. “Bakit po ninyo tinatanong, ‘nay?”
“Kanina pa kasi kita napapansin na panay ang buntunghininga mo. Ang lalim din nang iniisip mo. May problema ka ba?”
Napailing na lang si Ira. “Wala po, ‘nay. Okay lang po ako.”
“Sigurado ka, iha?” Umupo ang matanda sa tabi niya at hinawakan siya sa kamay.
Napangiti ang dalaga. “Opo, ‘nay.”
“Kung gano’n, bakit ang lungkot ng mga mata mo? Kanina ka pa nakatitig doon sa may pool. Masama yata ang tingin mo sa dal
