“I NEED to talk to you,” ani Xyrus nang lapitan nito si Jak. Nasa harapan sila ng bahay , sa mismong porch. Napansin niyang lumabas ito kaya sinundan niya. Hinintay niyang matapos ang pakikipag-usap nito sa cellphone bago niya ito nilapitan.
“Yeah, you need to do that. Matagal ko nang gustong usisain ka pero laging nakabuntot sa iyo ang kapatid kaya hindi kita ma-korner,” walang kangiti-ngiting wika nito habang ibinubulsa ang hawak na cellphone.
“Hindi ako puwedeng magtagal dito. Kailangan ko ring umalis para mailigaw ko ang mga humahabol sa amin ni Ira. Nanganganib kasi ang buhay niya dahil sa kagagawan ko,” pag-aamin ni Xyrus.
“What?” Tumaas ang tono ng boses ni Jak kasabay nang pagsalubong ng kanyang mga kilay.
Huminga nang malalim si Xyrus. Ikinuwento niya ang lahat kay Jak mula s
