جراح القلب الجزء الاول

جراح القلب الحلقة الرابعه

الحلقه ٤

من ?جراح القلب?

مؤمن بعد مخرج من البلكونه عشان ينام

ام احمد.... ايه يا مؤمن يا حبيبي انت هتنام ولا ايه

مؤمن.. اه ياست الكل فصلت خالص ونفسي انام

ام احمد... حبيبي يابني ده باقي على الفجر تقريبا اقل من ساعه حاول تقعد معانا الساعه دي واستني عشان تصلي وبعدين نام

مؤمن... حاضر يا ست الكل عنيا الاتنين واهو ادخل انام وانا مرتاح

ام احمد... ربنا يراضيك ويريح بالك يا حبيبي الصلاه دي مفيش احسن منها

مؤمن.. اكيد طبعا يا أمي ربنا ميحرمني منك ابدا ولا من دعواتك

احمد دخل من البلكونة

احمد... اي ده انت لسه منمتش وريحتنا منك

مؤمن... ام احمد ياسيدي نبهتني ان الفجر بعد الساعه قلت استنى وبالمره اصليه عشان ميفوتنيش

احمد.. تمام حلو قوي اهو ننزل نصلي ف الجامع افضل

مؤمن... إن شاء الله

احمد... أنا هدخل اكلم ندى اطمنها اني وصلت وهرجعلكوا على طول

مؤمن... صحيح يا احمد.. انت ايه اللي جابك بدري.. أنا قولت هتيجي على الفجر

احمد... ليه يعني هو انت فاكرني قاعد ف الشارع ده بيت ناس محترمه وكل بيت وليه حرمته فمينفعش افضل قاعد لبعد الفجر يعني يا مؤمن وبعدين خليك خفيف.. يا خفيف

مؤمن.. ماشي يا عم الخفيف اقنعتني عموما مب**ك عليك ندى

احمد.. الله يبارك فيك عقبالك.. مع اني مش عارف مين هتستحمل رخامتك دي.

مؤمن قعد على الكرسي وحط رجل على رجل وعدل ياقة القميص وقال

لا كتيير يا حبيبي بس انا أشاور بس

احمد... لا جامد يا واد ومسيطر كمان وضحكوا الاتنين

ام احمد... ايوه جامد وطول عمره جامد ده ابني حبيبي

مؤمن... ايوه كده ياست الكل انصفيني مره

احمد.... بقه كده ماشي يا ام احمد ربنا يخليهولك

ام احمد.... ويخليكوا ليا يا حبايبي،، انتو عيني اللي بشوف بيها وقلبي اللي بينبض جوايا.

مؤمن... الله الله امك بقت شاعره يا واد يا احمد اشطا عليك يا ام احمد يا جاااااامد???

احمد... اهدي يا مؤمن مينفعش كده فضحتنا بصوتك ده وبعدين امك طول عمرها جامده مش كده ياست الكل

ام احمد.... فكرتوني بأبوكو وكلامي معاه كان كله حب ورومانسيه الله يرحمه كان نعم الزوج

مؤمن سقف جامد.... رومانسيه انتي كمان عرفتي الرومانسيه لا ده الموضوع كبر قوي

ام احمد... ياواد ده انا اعلمك الرومانسيه بصحيح انت مفكر أن اللي انتو بتقولوه ده رومانسيه لا طبعا الرومانسيه الحقيقيه كانت على أيامنا تعالي وانا اعلمهالك على أصولها وضحكت جامد

احمد... لا يا ام احمد ده انا هحجز عندك واخد كورسات ???

ضحكوا كلهم وكانوا فرحانين لفرح احمد ولانه اخيرا حقق حلمه اللي كان بيتمناه و دعوا لمؤمن ان ربنا يهديه وينوله اللي ف باله (ونقول امين يارب)

***************،،،، *****************

عند هنا...

ناديه خبطت على باب الاوضه

هنا... اتفضلي يا ماما

ناديه.... اي ده يا هنا انتي لسه مغيرتيش هدومك

هنا.... معلش يا ماما كان نفسي مخنوق شويه قلت أقف ف البلكونه اشم شوية هوا

ناديه... سلامتك يا حبيبتي من الخنقه

هنا.... الله يسلمك ياست الحبايب وباست ايد مامتها

ناديه... هنا كنت عايزه أسألك سؤال وتجاوبيني عليه بصراحه

هنا قلبها دق بخوف.. خير يا امي اتفضلي.

ناديه... هنا هو انتي.... انتي.. انتي بتحبي احمد؟

هنا بصدمه ودموعها بتهدد بالنزول... انتي ليه بتقولي كده يا ماما

ناديه.... عشان انا امك يا حبيبتي وفهماكي اكتر من نفسك وبعرفك من نظرة عينيكي فكان لازم أسألك لاني واثقه ان في حاجه ناحية احمد

هنا مش قادره تمسك نفسها وعيطت واترمت في حضن مامتها وقالت

انا تعبانه قوي ياماما مش قادره اتخيله مع حد تاني حاسه ان هيجرالي حاجه وعيطت بصوتها كله

ناديه... خدتها ف حضنها اكتر ومسحت على حجابها وقلتلها

هنا يا حبيبتي كل شيئ في الدنيا دي قسمه ونصيب ومفيش حد عارف نصيبه ايه المطلوب مننا اننا لازم نرضى ونحمد ربنا على نصيبنا لان كل اللي ربنا بيكتبه لينا بيكون خير فإنتي يا حبيبتي احمدي ربنا على كل شئ وبكره ربنا يعوضك باللي احسن من أحمد واوعى تزعلي على حاجه راحت منك لأن اكيد عوض ربنا اكتر بكتير من اللي راح

هنا بعياط... مش قادره ياماما حاسه اني قلبي هيوقف حاسه اني مخنوقه وتعبانه حاسه بكل حاجه وحشه ممكن تتخيليها

ناديه... حبيبتي انا حاسه بيكي لكن لازم تواجهي ومتضعفيش لازم تبقى أقوى الحياه يا حبيبتي مبتوقفش عند حد. عندك انا مثلا بعد وفاة والدك الله يرحمه قدرت أقف على رجلي من تاني و ربيتك احسن تربيه وعلمتك احسن علام مع انه كان حب عمري كله لكن حياتي موقفتش بموته بل بالع** قلت لازم اكمل واحقق حلمه فيكي وهو انه يشوفك عروسه تملي العين وانتي فعلا دلوقتي كده عروسه تملي العين والقلب لكن مش قلب أحمد يا هنا،، احمد بحكم تربيتكم مع بعض بيعتبرك اخت ليه وعمره مافكر فيكي غير كده يبقى ليه يا حبيبتي تعذبي نفسك وتفكري فيه على أنه حبيب، هنا انتي قويه وتقدري تنسى والف واحد يتمناكي ليه توقفي حياتك على أمل كداب وتعذبي نفسك يابنتي

هنا بتحاول تهدي.... هحاول انسى يا ماما بس خليكي جنبي

ناديه... حبيبتي انا جنبك على طول ومعاكي بقلبي وروحي وكياني كله هنا انتي عيلتي كلها يابنتي انتي حياتي وقلبي من جوه بس ساعدي نفسك ياهنا ومتستسلميش لظروفك حاولي تغيريها وتبقى احسن وصدقيني هتقدرى انتي قويه ياهنا وعمرك مكنتي ضعيفه،، ، ربنا يسعدك يابنتي يارب،،، قومي بقه كده غيري هدومك واتوضي عشان نصلي الفجر يلا ياحبيبتي وان شاء الله ربنا هيحلها من عنده

هنا... إن شاء الله يا ماما ربنا يخليكي ليا وميحرمني منك ابدا

ناديه... ويخليكي ليا يا حبيبتي

دخلت هنا اتوضت وصلت ودعت كتير ف سجودها ان احمد يبقى من نصيبها هي مش متخيله نفسها مع حد غيره ومجرد الفكره بس هي مش مستوعباها

*********،،،،،،،، **********،،،،،،،، **********

تاني يوم كان اجازه وصحي احمد وصبح على مامته وسأل

احمد.... هو مؤمن لسه مصحاش ولا اي يا ماما

ام احمد.... اه يا حبيبي لسه انت عارفه تلاقيه صلى وقعد لوش الصبح زي عوايده

احمد.... الواد ده مش هيعقل ابدا

مؤمن خرج على صوتهم.....سيبو مؤمن في حاله دايما ظالمينه كده انا صحيت اهو وبعدين انا نمت امبارح اول مدخلت الاوضه يبقى ليه الظلم بقه

احمد.... بذمتك دي خلقة واحد نام امبارح على طول بعد مصلي

مؤمن... أنا مقولتش نمت على طول انا قولت اول مدخلت الاوضه يعني ممكن اكون نمت بعدها بساعه او بساعتين اقولك متشغلش بالك بيا،، المهم هنفطر ولا ادخل انام تاني

ام احمد... لا يا حبيبي خد حمامك وصلي الضحى وهتلاقي الفطار جاهز

احمد... يسلموا اد*كي يا ست الكل

ام احمد... تسلم من كل شر يا حبيبي

مؤمن سابهم ودخل الحمام يتوضي وهو خارج كان أحمد صلى ومستني يفطروا مع بعض

احمد... بقولك يا واد يا مؤمن متنادي علي ناديه وهنا وخليهم يفطروا معانا بدل ميفطروا لوحدهم

مؤمن بغضب.. لا....... قصدي سيبهم على راحتهم افرض مش عاوزين

احمد باستغراب.... هو ايه اللي لا انت زعلان منهم في حاجه

مؤمن.. لا والله ابدا كل الحكايه مش عايز ادايقهم وممكن يكونوا تعبانين من امبارح ونايمين نقلقهم ليه بقه

احمد..... ممكن عندك حق وهما اكيد لما يصحو هيجو على طول

مؤمن... انت ليه مهتم بوجودهم يا احمد

احمد.... لا مش مهتم ولا حاجه بس انا بحب تجمعنا مع بعض وبعدين ده تعود يا مؤمن ده غير أن هنا زعلانه مني وانا حاسس ناحيتها بالذنب بصراحه.

مؤمن بصدمه... ذنب.. ليه خير واي السبب للزعل

احمد... مفيش ياسيدي كنت واقف معاها اول امبارح وضحنا وهزرنا وللأسف نسيت اقولها على الخطوبه وعرفت هي تاني يوم ف زعلت اني مقولتش

مؤمن... ليها حق طبعا تزعل يعني وقفت واتكلمت معاها ونسيت تقولها تيجي ازاي دي يا احمد

احمد... والله اللي حصل بقه يلا خير انا اعتذرتلها وحاسس انها لسه زعلانه

مؤمن.... هي ليها حق تزعل بصراحه لكن متقلقش هنا طيبه وهتفك مع الوقت

احمد.... إن شاء الله،، هنا بنت حلال وانا بحترمها وبقدرها ومحبش انها تزعل مني ابدا

مؤمن اه.. اه.؛ بتقدرها

احمد... مالك ياض في اي انت عندك شك ف كده ولا ايه

مؤمن... لا يا عم انا بأكد على كلامك مش اكتر وبعدين انت هتض*ب ولا اي

وضحكوا الاتنين،، وندهوا على ام احمد عشان يفطروا،، الباب خبط وهما بيفطروا وكانت ناديه

مؤمن فتح الباب... دودي حبيبة قلبي صباح الفل على عيونك نورتي شقتنا المتواضعه

ناديه.... والله ياواد يا مؤمن انت بياع كلام وبتجامل

مؤمن... أنا ابيع الكلام للدنيا كلها الا انتي يا دودتي يا قمر انتي

ناديه..... تصدق ياواد ان انت اللي مهون عليا العيشه

مؤمن... حبيبتي والله عدي الجمايل دي بقه

ناديه ضحكت وض*بته ف ص*ره ودخلت

ام احمد... صباح الهنا والسعاده هنا فين مجتش معاكي ليه

ناديه صباح الفل يا حبيبتي... هنا لسه نايمه وقلت اسيبها تنام براحتها بما ان مفيش جامعه النهارده

احمد.. طيب يلا يا ناديه تعالي اقعدي افطري معانا حماتك شكلها كانت بتحبك

ام احمد...

هو انتو عادي كده مش هتحترموا نفسكو ا ابدا واحد يقولها دودي والتاني يقولها ناديه مفيش احترام خالص

ناديه ضحكت.. سيبيهم براحتهم يا ام احمد انا بحب منهم اي حاجه

ام احمد... خلاص براحتك حقك عليا تعالي بقه يا دودي افطري

وضحكوا كلهم وقعدت ناديه فطرت معاهم

هنا صحيت من النوم وخرجت دماغها هتنفجر من الصداع وعينها منفوخين من العياط دخلت الحمام غسلت وشها وبصت لنفسها ف المرايه زعلت قوي على شكلها وعلى الحزن اللي مالي قلبها اتوضت وخرجت تشوف والدتها لكن طبعا مش موجوده.. قالت اكيد عن خالتي دخلت اوضتها وبدأت تصلي وتدعي ان ربنا يريح قلبها وينولها اللي بالها

خرجت هنا تنادي على مامتها سمعت من على الباب صوت ضحكهم وصوت احمد دخل جوه قلبها زود دقاته اكتر واكتر لكن خلاص مبقاش من حقها حتى تفكر فيه خبطت على الباب وفتح مؤمن اللي اتصدم من شكلها اول مشافها

مؤمن... هنا!!!! اتفضلي

احمد وقف... اهلا بالقمر بتاعنا اخبارك اي لسه زعلانه مني

هنا..... لا ابدا مفيش حاجه الموضوع انتهي خلاص

ناديه... تعالي ياهنا صباح الخير ياقلبى

هنا... صباح النور يا ماما.. عامله اي يا خالتي

ام احمد... نحمد ربنا ياحبيبتي تعالي يا قلب خالتك افطري القعده كانت ناقصاكي

هنا.. لا معلش مليش نفس والله يا خالتي

احمد... اقعدي ياهنا افطري شكلك تعبان مفيش حاجه اسمها مليش نفس

هنا... احمد مش قادره والله اكل اي حاجه

احمد...طب لو قولتلك عشان خاطري هتقعدي

هنا بصت على مامتها وبعدين على مؤمن قالت

خلاص يا احمد هاكل حاجه خفيفه واقوم بس متضغطش عليا تاني ممكن؟

احمد.. ممكن ياهنا.. وكويس ان انا ليا خاطر عندك

هنا بصتله وكان نفسها تقولوا انه هو كل حياتها لكن سكتت وبدأت تاكل،،، قعدوا كلهم على السفره ومؤمن عينه على هنا وزعلان جدا على شكلها وهنا اللي كل مترفع عينها تلاقي مؤمن بيبصلها بزعل بعد مخلصو ا الفطار،،

مؤمن.... عايزين كوباية شاي بقه نحبس بيها من ايد هنون ممكن ولا ايه

هنا... طبعا ممكن من عنيا الاتنين

مؤمن... يسلملي عيونك ياقمر

قامت هنا دخلت المطبخ ودخل مؤمن بعدها وكان بيشيل الأطباق من على السفره هو وأحمد

احمد دخل المطبخ وقال

معلش تاعبينك معانا يا هنا

هنا بصتله بحب.... اوعي تقول كده يا احمد.... ولفت وشها وقالت بأسف .. انتو اخواتي وربنا يعلم معزتكوا عندي

احمد.. هنا انا مش عايزك تدايقي من ندى ف اي كلمه هي كلامها احيانا يزعل لكن بتبقى متقصدش والله ولو عرفتيها هتتأكدي انها طيبه جدا

هنا.. انت بتقولي الكلام ده ليه يا احمد انا مش زعلانه منها متقلقش

احمد... طيب ممكن بقه تضحكي انا مش عارف بقالك كام يوم حارمانا من ضحكتك ليه بجد انا بحس فيكي بالتفاؤل اوعي تكشري تاني يا هنا خصوصا معايا

هنا بابتسامه.. حاضر يا احمد

مؤمن... ياسلام واقفين مع بعض هنا وسايبيني انضف السفره لوحدي يلا يا باشا من هنا شوف وراك اي وانتي ياست هنا فين الشاي ولا هنشربه بكره

هنا.....على النار اهو ثواني ويجهز .

احمد.... انت عيل فصيل على فكره يا مؤمن انا خارج وسايبهالك

مؤمن بضحك.. فصيل!!! حلوه فصيل دي

هنا ضحكت على جنون مؤمن وجهزت الشاي

مؤمن... هنا مش هتصارحيني

هنا..... مؤمن انت عايز اي بالضبط بص اقولك على حاجه انا مفيش اي حاجه ممكن اقولها ريح نفسك ومتقلقش عليا

مؤمن.. لا في ياهنا وفي كتير كمان وبصراحه شكلك بيقول كده مش انتي هنا اللي انا عارفها

هنا بصوت عالي.... سيبني ف حالي يا مؤمن ومتضغطش عليا اكتر من كده ارجوك يا مؤمن انا ماسكه نفسي بالعافيه

مؤمن.. ليه كل ده حرام عليكي نفسك

هنا.. تحب اقولك ليه عشان للأسف بحب اخوك وهو مش حاسس بيا بحبه من وانا صغيره وحبه كبر ف قلبي لحظه بلحظه لدرجة انه ربي جذور للأسف مش قادره اشيلها وبتسألني عامله ف نفسك ليه كده منتظر مني اعمل اي وانا حب عمري بيضيع مني شايفاه مع واحده تانيه غيري والمشكله انه بيعشقها تقدر تقولي اعمل اي يا مؤمن؟ تقدر؟ ودموعها نزلت.. كده ارتحت ولا لسه يا مؤمن

مؤمن رغم انه كان عارف بحب هنا لأحمد الا انه اتصدم من كمية الحب دي وعمره متصور انها تكون بتحبه الحب ده كله

هنا.... مبتردش ليه سكت دلوقتي لما عرفت

مؤمن.... أنا مش عارف ارد اقول اي يا هنا بعد كل كلامك ده، اللي اقدر اقوله انك لازم تبقى أقوى من كده ولازم تواجهي الحقيقه مهما كانت صعبه، هنا مش كل حاجه بنعوزها بناخدها وبعدين ربنا اكيد كاتبلك الخير يبقى لازم تقوى نفسك عشان تقدري تكملي

هنا.... كل ده انا عارفاه يا مؤمن لكن مش بأيدي.. وعيطت جامد.. ومؤمن واقف مش قادر يعمل حاجه وهنا صعبانه عليه لدرجه كبيره جدا

مؤمن.... اهدي يا هنا انا لسه بقولك لازم تبقى قويه تقومي تضعفي بالشكل ده

هنا... صدقني يا مؤمن انا مش حابه ابقى كده ولا عمري كنت كده لكن احمد هو نقطة ضعفي الوحيده وبجد احمد **رني يا مؤمن انا عارفه انه ميقصدش لكن الحقيقه انه فعلا **رني مش قادره اعيش وهو مش ف حياتي،، مجرد الفكره بس بتقتلني يا مؤمن

مؤمن... خلاص يا هنا اهدي دلوقتي وصدقيني مع الوقت هتنسي لما تتأكدي ان احمد مبقاش من حقك،، عارف ان كلامي صعب عليكي لكن للأسف هي دي الحقيقه اللي لازم تواجهيها وان شاء الله ربنا هيرزقك باللي يحبك ويقدرك ياهنا

هنا بيأس.... حاضر يا مؤمن هحاول أواجه الحقيقه وانسى

مؤمن... انتي قويه ياهنا وهتقدري،، انا هاخد الشاي وأخرج وانتي اغسلي وشك وتعالي ورايا

هنا... حاضر يا مؤمن

مؤمن خرج بس اتصدم لما شاف احمد قدامه وقاله بتوتر

احمد انت هنا من امتى؟.......... .............

بقلمي شيمو الخطيب

ونكمل بكره يابنات دمتم لي سالمين ??♥️

بقلم شيمو الخطيب