Pagkatapos naming kumain ay naunang inihatid ni Ranz si Jonalyn kasi mas malayo ang bahay nito.
“Bye, guys! Ranz, salamat ulit sa treat at sa paghatid. Ingat kayo!” kumaway pa siya sa amin at ganoon din naman kami sa kaniya bago pinaandar ni Ranz ang sasakyan niya paalis.
“Aya, may boyfriend ka na ba?” tanong ni Ranz habang nasa biyahe na kami ulit.
“Sa ngayon, wala pa,” pero may nagfi-feeling boyfriend ko na ilang beses na akong ninakawan ng halik. Gusto ko sanang idagdag pero hindi ko na ginawa. Natatawa na lang ako sa isip-isip ko. Hindi talaga ako makapaniwala sa inuugali ni Hendrick. Mas nagtataka naman ako sa sarili ko kung bakit hindi ako na-o-offend. Samantalang kapag iba ang gumawa no’n sa akin siguradong tatamaan ng malupit na gulpi na di pa niya natitikman.
“Kung gano’n, wa
