Lumipas ang limang araw at bukas na ang libing ni Hendrick. Para na akong pinapatay. Iyong maisip ko lang na hindi ko na talaga makikita pang muli si Hendrick ay parang ayaw ko na lang magpatuloy na mabuhay.
“Ayanna,” napalingon ako nang marinig ang isang pamilyar na boses. Nang lingunin ko siya ay hindi nga ako nagkamali.
“Lily…” usal ko at nangilid na ang mga luha ko. Agad bumalatay ang awa sa mukha niya kaya binilisan niya ang paglapit sa akin at buong kasabikang niyakap niya ako nang mahigpit.
“I miss you so much, Ayanna…” sambit niya at lalo pang humigpit ang pagkakayakap niya sa akin kaya lalo lang din akong naiyak. Dapat ay tahimik na hikbi lamang iyon pero nauwi na naman sa hagulgol.
“He’s going to be gone forever, Lily. He left me alone. He left me without any notice. He left
