“A-Allistair?” kusang lumabas iyon sa mga labi ko. Pero hindi ko maintindihan kung bakit ganito na lamang kabilis ang kabog ng dibdib ko. May kakambal si Hendrick? Hindi siya si Allistair gaya nang sinabi ni Uncle Marcus, kung hindi ang kakambal niya? Pero bakit magkaiba sila ng apilyedo?
“Yes! It’s nice to finally meet you, Ayanna…” sambit niya at kinuha ang kamay ko saka hinalikan. Mabilis ko naman iyong binawi dahil hindi ko maintindihan kung ano ang nararamdaman ko ngayon.
Magkamukhang-magkamukha sila ni Hendrick. Ngayong mataman akong nakatitig sa mga mata niya ay para rin akong nakatingin kay Hendrick. Umatras ako at magaang sumandal sa kabaong ni Hendrick para kumuha ng suporta. Para bang biglang nanghina ang mga tuhod ko, at pakiramdam ko ay matutumba na ako.
“Allistair, why don
