Nagulantang ako sa malakas na pagbagsak ng pinto. Pagtingin ko roon ay ang nakatayong bulto ni Rey ang nakita ko.
“Ano na naman ba ang kailangan mo?” iritableng tanong ko sa kaniya.
Nakaidlip kasi ako sa mesa dahil sa sama ng pakiramdam ko.
Pakiramdam ko ay ang init ng singaw ng aking katawan at mukhang lalagnatin pa ako.
“Ano’ng nangyayari sa’yo?” nag-aalalang tanong niya sa’kin.
“Wala ka nang pakialam! Lumabas ka na nga!” bulyaw ko sa kaniya.
Para namang walang narinig ito at lumapit pa talaga sa kinauupuan ko.
Sinapo niya ang aking noo at ganoon rin ang leeg ko.
“Ang init mo!” bulalas niya.
“Umalis ka na Rey!” Tumayo ako at bigla ring napaupo. Naisapo ko ang mga kamay sa'kin noo.
Nanlalambot ang mga tuhod ko at nanginginig ang aking mga kalamnan. Umiikot na rin ang aking
