“Pa, kain na po tayo.” Aya ko kay Papa na kasalukuyang nagbabasa ng diyaryo sa sofa.
Magmula nang magpunta si Rey rito sa bahay ay hindi na ako kinibo at ‘di na rin ako pinansin pa ni Papa.
“Pa…” Tawag kong muli sa kaniya at lumapit dito.
“Mamaya na ako kakain at wala pa akong gana!” paangil niyang sabi.
“Galit ka po ba sa’kin, Pa?” naluluha kong tanong sa ama at umupo sa tabi nito.
Bumuntong hininga muna ito ng ilang ulit bago muling nagsalita at nilingon ako sa kaniyang tabi.
“Wala akong magagawa kung pipiliin mo siyang makasama muli. Ayoko lang Annalyn na naaagrabyado kayo ni Jerson dahil lang sa g*go mong asawa. Kung gusto mong sumama sa kaniya, iwanan mo si Jerson dito sa'min at malaya kayong magsamang dalawa ng w*langhiya mong asawa,” mahabang litanya nito sa'kin.
“Hind
