Annalyn Cruz (POV)
Kasalukuyan kaming magkakasama ngayon dito sa condo unit at magkasabay na naghahapunan nina Benjamin at Julie.
“Julie, kumain ka nga muna riyan bago ka tumawa nang tumawa,” sita ko rito.
“Sorry!” sabi ni Julie at muling humagikhik.
“Hindi ko lang talaga mapigilang matawa ‘pag maalala ang itsura ni Angel doon sa hotel.” Humagalpak na naman muli ito ng tawa.
Muling nanumbalik sa isipan ko ang mga nangyari sa hotel. ‘Di maipaliwanag ni Angel ang sarili kay Rey nang mabuko siya nito sa kawalanghiyaang ginagawa niya.
Mukhang tanga lang si Angel sa harap ng dalawang lalaking nilandi at halos magmakaawa pa ito kay Rey.
Kung gaano naman kabilis akong iniwan noon ni Rey ay ganoon din naman kabilis nitong hiniwalayan si Angel.
“Tsk! Galit ang manloloko sa kapwa niya manl
