هكذا كان قدري

هكذا كان قدري .البارت الخامس

قعدت افكر ايه اللي ممكن يحصل اتنازل عن حقي ومسمعش كلام الست ونصيحتها . . . . .

ولا اروح اتنازل وارجع بيتي تاني اعمل ايه يارب انا محتاره .خلاص انا قررت اروح القسم واسمع كلام حماتي عشان مخربش بيتي أكيد هو اتعلم من اللي حصله وعشان أكون عملت بنصيحة حماتي انا حاسه انها المره دي طيبه وخايفه عليا وخافت علي ابنها . . . . .

رحت لحد القسم من غير ما اقول لحد خالص لقيت حماتي هناك وفرحت اوي وطبطبت عليا وقالتلي ربنا يكملك بعقلك ياحبيبتي .ولقيت محمد باس دماغي وايدي وقالي قدام الظابط حقك عليا ياحبيبتي عمري ماهعمل حاجه تزعلك تاني ابدا. . . . .

فرحت جدا ومشيت معاهم واول ماخرجنا من القسم كانو بيعاملوني كويس جدا وبعد ما مشينا شويه لقتهم زقوني جامد ودخلوني فعربيه . . . . .

جيت أصوت كتمو نفسي هي وابنها وبعدها رشو حاجه خلتني ادوخ واقع . . . . .

واما لقيت نفسي بفوق لقيت حماتي عمالة تض*ب فيا وتشد شعري وابنها يديني بالشلوت فبطني ويرميني فالأرض ويدوس عليا . . . . .وانا عماله اصوت منهم .مش عارفه ادافع عن نفسي خالص ولقيتها بتقولي انا هموتك بالبطئ انتي هنا فمكان محدش يعرف عنه حاجه .مكان مهجور عشان تقعدي تصوتي مع نفسك ابقي شوفي مين اللي هيسمعك. . . . . قولتلها حرام عليكم لقيت ابنها قالي انتي يازباله انتي انا هعرفك تعاملي جوزك ازاي قولتلو ابوس ايدك ارحمني متض*بنيش انت متعرفش حاجه وفجأه لقيت جالي نزيف جامد ولقيت نفسي بسقطت.حماتي بصتلي والغل فعنيها قولتلها انا حامل وابني مات منكم لله . . . . .

ردت قالتلي احسن عشان انتي واحده كدابه وغشاشه ومتستاهليش تكوني أم . . . . .

حتي ابنها مصعبتش عليه وهو شايف امه شمتانه فيها . . . . .ربنا ياخدهم ويريحني منهم انا اللي مسمعتش كلام حد. . . . .

يارتني سمعت كلام الست وكلامك ياابراهيم انت وسلمي والله فعلا كان عندكم حق فكل كلمه قولتوهالي . . . . .دي عيلة خبيثه انا مش عارفه اتعامل معاهم . ومليش حد اروحله واهلي لو عرفو مش هيقفو معايا لانهم قالولي فمشكلة قبل كده ده اختيارك ومتدخليناش فالموضوع خالص منك لجوزك مش ده اللي وقفتي قصادنا عشانه خلاص يبقي مشاكلك تحليها مع نفسك.اعتبري ان ملكيش أهل. . . . .

قعدت افكر واقول اكيد لو رحتلهم هصعب عليهم ويشوفولي حل امي وابويا بيحبوني بس هروحلهم ازاي وانا محبوسه.طب اتصل بيهم فالتليفون احسن احكيلهم ولا اعمل ايه! . . . . .

لقيت تاني يوم حد بيفتح الباب عليا انا فأوضه معرفش فين وضلمه زي السجن بالظبط لقيت محمد بيرميلي اكل وميا ويمشي .بقوله ابوس ايدك سبني.طب طلقني مدام بتكرهني كده واهو ربنا نفذ اللي كنت عايزه وابني مات وانت حرمتني منه .عايز مني ايه تاني طيب.

_ قالي انا هسيبك كده زي البيت الوقف لامنك متجوزه ولا منك متطلقه هتعيشي عيشة الخدامين وهتفضلي محبوسه هنا لحد ماتموتي. . . . .

= ليه كده حرام عليك انت اللي بدأت بالض*ب وخلتني اعملك محضر كنت اسيبك تموتني يعني!

_ مانا هموتك فعلا انتي لسه شوفتي حاجه .انا هخليكي تتمني الموت . . . . .

وطيت عشان ابوس رجله زقني وقالي غوري فستين داهية . . . . لقيته بيقولي فين تليفونك هاتيه . . . قولتلو مش معايا سبته فالبيت .

= طيب انا هروح اخده من البيت واشوف مين اللي لاعبلك فدماغك بالطريقة دي. . . . .

هو مشي من هنا وانا طلعت التليفون كنت مخبياه فشنطتي وقفلاه عشان محدش يكلمني وانا معاهم. . . . .

اتصلت بابراهيم الو الحقني ياابراهيم . . . . .

_ في ايه اهدي مالك . . . . .

= تعالالي بسرعه انا موتوني من الض*ب وحبسوني وسقطوني هي وابنها ياابراهيم انا بموت الحقني . . . . .

_ اجيلك ازاي بسرعه قوليلي .

= معرفش انا معرفش انا فين. . . . .

_ طيب بصي افتحي الواتس بتاعك وابعتيلي اللوكيشن عالواتس هيظهر عندي انتي فين بالظبط واحاول اجي انقذك . . . . .

= ماشي بس بسرعه والنبي ابوس ايدك.

فتحت الواتس وبعتله انا فين قعد ساعتين عشان يحاول يوصلني وفالاخر لقاهم رمييني فبلد بعيده جدا عن بلدهم وحاطني فأوضه فبيت مهجور محدش ساكن فيه خالص **ر باب البيت وكان معاه اثنين من اصحابه .و**ر باب الاوضه وشاف منظري بصلي وهو فحالة زهول . . . . .

_ بقي انتي يحصلك كل ده انا بتوجع عشانك والله.

= ابراهيم خدني عالمستشفي ضروري انا دايخه وحاسة اني هقع من طولي . . . . .

_ حاضر هنروح حالا . . . . .

وفضل ساندني وماسك ايدي وانا فالعربيه نمت من التعب وصحيت وانا فالطريق للمستشفي لقيته عمال يقرأ قرآن جمبي وصوته ريحني اوي .قولتله انا معرفش من غيرك كنت هعمل ايه .قالي اصبري بس وانا هوريكي انا هعملك ايه فيه.

= لا ياابراهيم ابوس ايدك انا مش عايزه مشاكل تاني دول كانو هيموتوني. . . . .

_ متخافيش من حد طول مانا جمبك انا والله ماهسيب حد يقرب منك تاني بس انتي اسمعي كلامي من فضلك عشان انتي بتتصرفي من دماغك ومش بترجعيلي فحاجه.

=ياتري ياابراهيم محمد زفت وأمه الحرباية دي اما يعرفو اني هربت هيعملو ايه تاني انا خايفه اوي . . . . .

_ انت شاغله دماغك بيهم ليه اهم حاجه تروحي ترتاحي .انتي لازم تروحي لأهلك وتحكيلهم اللي حصل كله .والله لو كان ينفع كنت خدتك قعدتي مع والدتي حتي وانا مش هكون معاكم فالبيت بس عارف ان انتي مش هتوافقي . . . . .

انا قولت اسيبك علي راحتك اهم حاجه عندي تكوني مرتاحة. . . .

= انت بجد طلعت جدع أوي معايا ياابراهيم .مش عارفه من غيرك كنت هعمل ايه!

_ متقوليش كده. امال انتي ناوية تعملي ايه . . .

= هروح عند اهلي هما يتصرفوا معاه مش عاوزه اطلعك فالصورة خالص احسن يلبسني مصيبه ويقول اني علي علاقه ب ابن عمي ماما و بابا يتصرفوا معاه ويطلقوني منه ب اي طريقه . . .

_ طيب خدي تليفونك و اتصلي ب اهلك وقوليلهم الي حصل كله و لو سألوكي جيتي هنا ازاي قوليلهم هربت ووقفت تا**ي لحد المستشفي . . . . . .

اتصلت ب امي واتخضت اول ما سمعت صوتي . . . .

_ الو . . . ايوة يا ماما الحقيني انا فالمستشفي تعالي دلوقتي حالا واوعي تجيبي سيرة ل اي حد اني كلمتك مهما كان واوعي تتصلي ب جوزي ولا اهله تعاليلي وهفهمك كل حاجه . . . . . .

جت ماما تجري كان ابراهيم مشي . . .

_ في ايه يا ايمان . . . ايه يا بنتي الي عمل فيكي كده بس . . . .

= الحيوان الي اسمه محمد هو و امه . . . . . منهم لله . . . بدأت احكيلها عن الي حصلي من وراهم واني كنت حامل وسقطوني وقولتلها اني عاوزه ارجع بيتنا تاني مش عاوزه ارجعله وعاوزه ارفع عليه قضيه خلع . . .. . . .

= وانتي ازاي متحكيش ليا و ل ابوكي كل المشاكل دي من اول ما اتجوزتي . . . .

_ خوفت منكم يا ماما انا عارفه بابا صعب وهيقولي دا اختيارك واحنا حزرناكي . . . . .

= عندك حق فعلا . . . . احنا يا قولنالك بلاش الناس دي مسمعتيش كلامنا عملتي ايه دلوقتي اد*كي متبهدله اهو . . . . .

فجأه دخلت الدكتور . . . .

_ سلام عليكم . . . . حضرتك والدتها . . .

= اه يا دكتور . . . .

_ طيب هي عندها كدمات جامده في جميع اجزاء جسمها و نزيف نتيجه نزول البيبي فا لازم ليها الراحه التامه متتحركش غير ب حساب وتاخد الادويه دي . . . . وممكن تعملو محضر ودا التقرير الطبي . . . . . تقدري تاخديها دلوقتي وانتي ماشيه . . . . .

= شكرا ليك يا دكتور . . . . . . يلا يا ايمان يلا يا بنتي علي بيتنا ربنا يشفيكي يارب .