هكذا كان قدري

هكذا كان قدري.البارت السادس

خدتني ماما ومشينا من عند الدكتور وروحنا واول ما دخلنا البيت . . . . .

لقيت بابا عمال يقولنا في ايه مالك ايه اللي حصلك ياايمان .طبعا انا دخلت الاوضه ارتاح لإني تعبت جدآ . . . . .

لقيت ماما بتحكيله كل اللي حصل وبابا اتعصب جامد وقالها مش هو ده اختيارها اللي وقفت قصادنا علشانه . . . . . وكل ماحد كان يكلمها كانت تزعل وتقولي انا بحبه يابابا خليها تشرب بقي .

انا سمعت بابا بيقول كده لماما وبيعلي صوته عشان يسمعني . . . . . قعدت اعيط فالاوضة للدرجادي أنا مليش حد يقف جمبي . . . . .حتي أمي كل شوية تقطمني بالكلام وتقولي انا قولتلك ان دول عيله عقارب ومش ساهلين وانتي مصدقتنيش .حسيت اني قاعده تقيله علي قلبهم بدل مايقفو جمبي يسندوني لقيت نفسي بكلم ابراهيم وانا بعيط . . . . .

_ الو ايوه ياابراهيم .

= مالك ياايمان .

_ انا هروح بيتي ياابراهيم . . . .

= نعم انتي بتهزري بيتك ايه اللي عايزه تروحيه انتي عايزه تموتي يعني . . . . . ايمان انا خايف عليكي اسمعي كلامي .اقعدي مع أهلك يابنتي وارتاحي . . . . .

_ ابراهيم انت مش فاهم حاجه .انا حاسه اني هنا تقيلة عليهم وبابا وماما كل شوية يقعدو يقطموني بالكلام وانا تعبت مش مستحملة كلمه من حد . . . . .

= دول فالأول وفالآخر أهلك وبيحبوكي وخايفيين عليكي متزعليش منهم . ومش معني كده انك تقوليلي إنك هتروحي بيتك يعني.

_ عندك حق انا فعلا مش هينفع ارجع البيت بالسهوله دي انا هفضل ذلاه كده لحد ما يعرف قيمتي وان اهله لو استحملوه يوم مش هيستحملوه التاني و كل واحد هيبقي مشغول في حياته . . . . .

محمد راح زي عادته يوديلها الاكل لقي حد فتحلها الباب من بره وهربت من المكان . . . كان هيتجنن وقعد يحاول يتصل بيها وهي مبتردش . . . . .

اتصل علي باباها و رد عليه . . . .

_ ايوة يا عمي كنت عاوز بس اسأل علي ايمان هي عندكم . . . . .

= و كمان ليك عين تتكلم يا حيوان انا هخرب بيتك بعد الي عملته في بنتي . . . . ورقه طلاق بنتي توصل في اقرب وقت او هخلي عيشتك سوده . . . . .

_ والله يا عمي انت متعرفش البهدله الي بنتك بهدلتهالي انا اتحبست بسببها ودا كان رد فعل من غيظي منها خليني اكلمها طيب . . . .

= معنديش حد تكلمه وورقه طلاقها توصل يلا غور اقفل . . . . .

وقفل السكه في وشه وايمان كانت واقفه ورا الباب بتسمع المكالمه كلها واول ما قفل جريت علي باباها حضنته وقالتله . . . . .

_ ربنا يخليك ليا يا احسن اب فالدنيا . . . . . .

= انتي فاكرة ايه يا ايمان فكراني هرميكي يا بنتي لواحد زي ده . . . مهما كان انتي بنتي و لحمي والكلام الي قولتهولك ده كله من غيظي ونرفزتي منه لكن انا قلبي بيتقطع عليكي وعلي منظرك وانا مش هسكتله وهخليه يعرف قيمتك . . . .

رجع محمد البيت و مامته كانت هناك . . . . .

_ عملت ايه يا واد رميتلها الاكل زي الكلبه . . . .

= لا يا ماما ايمان هربت خلاص و راحت ل اهلها وطالبه الطلاق . . . .

_ يا اخويا بركه خليها تغور في داهية وتريحك وانا هجيبلك ست ستها . . . . متقلقش يا واد هشوفلك عروسه حلوة كده . . . .

= بس انا حاسس اني ظلمتها يا ماما دي كانت بتحبني اوي . . . .

_ دي بت قادرة و راحت عملت فيك محضر الي زي دي متآمنلهاش علي نفسك . . . . .

= طيب هعمل ايه دلوقتي انا عاوز اروح اتكلم معاها . . . . .

_ يا واد انشف كده وروح ارمي عليها اليمين . . . . .

سابها و طلع شقته وقعد يفتكر لحظاته الحلوة مع ايمان ايام الخطوبه ويفتكر كلام اهله انهم كانوا دايما بيسخنوه عليها مع انها كانت بتبقي مواضيع تافهه . . . . . .

البيت فضي عليه وقعد يفتكر ابنه الي قتله ب ايده و سقطها وعدا كذا يوم حابس نفسه في البيت مبينزلش واهله مبقوش معاه زي زمان بقي كل واحد مشغول في حياته . . . .

مامته الي كانت بتطلع كل يوم تسخنه علي ايمان وتشوفها بتعمل ايه مبقتش تطلع واخته زيها . . . . .

حتي الاكل بقي بياكل من بره . . . .

خربوا بيته وهو فضل لوحده . . . .

ايمان كانت قاعده لوحدها فالاوضه بتحاول تنسي الي حصلها من محمد . . . . . .

و كان ابراهيم بيتصل بيها يتطمن عليها و فيوم كان بيكلمها . .. . .

_ ازيك يا ايمان عامله ايه دلوقتي . . .

= انا الحمد لله بقيت احسن اهو . . . .

_ ممكن اسألك سؤال . . . .

= اتفضل . . . . .

_ هو انتي ممكن ترجعي لمحمد بعد كل ده . . . . .

= ليه بتسأل السؤال ده . . . .

_ معرفش بس حاسس انك قلبك هيحن وهترجعيله انا مش بقولك كده عشان اخرب عليكي بس البني ادم ده مينفعش ترجعيله اوعي مهما حاول ترجعيله هيبهدلك تاني ويعمل فيكي اكتر من كده هو و اهله . . . .

= ارجع ل مين يا ابراهيم بعد كل ده وانا اتجننت . . . . . .

في نفس الوقت لقت رقم غريب بيتصل بيها اول ما ردت لقت . . . .

محمد هو الي بيرد عليها . . . . .

_ ابوس ايدك اوعي تقفلي انا اسف انا ندمان و مستعد انفذلك اي حاجه تطلبيها مني بس ترجعيلي . . . .

انا والله ندمان . . . وحياه اي لحظه كانت حلوة بينا . . . . .

= انا خلاص يا محمد محيت اللحظات الحلوة دي من حياتي ومبقاش فيه اي حاجه تربطنا ببعض انساني يا محمد وابعتلي ورقه طلاقي في اقرب وقت عشان مرفعش عليك قضية خلع . . . . .

_ انا عارف انك قلبك طيب ومش ههون عليكي . . . . .

= لا هتهون وابقي خلي اهلك الي خربوا بيتنا الي كنا بنحلم نبنيه مع بعض يبقوا ينفعوك . . . .

وقفلك السكه في وشه وهي حاسه انها انتصرت عليه بعد ما رجعلها مذلول . . . .