هكذا كان قدري

هكذا كان قدري.البارت السابع

قعدت ايمان تفكر هتعمل ايه بعد اللي محمد قالهولها ده ياتري هيصعب عليها ولا هو لسه بيمثل .هي طبعا عمرها ماهتصدقه تاني بعد كل اللي حصل منه ومن أهله . . . . .

خرجت ايمان تتكلم مع باباها وتحكيله ان محمد كلمها واترجاها ترجعله لكن هي رفضت . . . . .

وباباها فرح جدا وقالها مهما حصل انا جمبك متخافيش انا عمري ماهقعدك مع شخص زي ده تاني خلاص الموضوع خلص . . . . .

وباست دماغ ابوها وقالتله ربنا يخليك ليا ياحبيبي أنت سندي فالدنيا بعد ربنا . . . . .

كل اللي هي كانت مستغرباه ان اختها مختفيه من حياتها تماما ولا بقت تتصل بيها ولا تسأل عليها زي زمان ولا تتطمن عليها عملت ايه .

تاني يوم علي طول بعد ماايمان رجعت مع مامتها من عند الدكتور جارتها مني خبطت عليهم ومامت ايمان فتحتلها الباب . . . . .

_ازيك ياطنط عامله ايه ياحبيبتي . . .

= اهلا يامني يابنتي عامله ايه . . . .انا كويسه الحمد لله .

_ مال صوتك ياطنط انتي تعبانه ولا متضايقة من حاجه . . . . هي ايمان كويسه .أنا كنت قاعده إمبارح فالبلكونه وشفتكم امبارح ولقيت ايمان وشها متغير كإن حد ض*بها . . . . .أنا اسفه ياطنط اني بتدخل في تفاصيل بس زي ماحضرتك عارفه ان ايمان اختي واكتر والله ربنا يعلم . . . . .

= لا ياحبيبتي مفيش حاجه انتي كمان بنتي زي ايمان بالظبط . . . . استني هدخل اشوفهالك تتكلمي معاها شويه . . . . .

ودخلت مامت ايمان تخبط عليها كانت نايمه وصحيت فرحت أوي ان جارتها دخلت تسأل وتطمن عليها حست فلحظه ان في لسه ناس جدعه وكويسه وبيحبوها . . . . .

قعدت ايمان مع صاحبتها وقعدت تتكلم معاها وتحكي . . . . .

_صاحبتها قالتلها ياااااه ياحبيبتي انتي مستحملة كل ده؟! وأنا اللي كنت زعلانه منك وبقول ايمان اتجوزت ونسيتني مبقتش تكلمني زي الاول !

حقك عليا أنا ياحبيبتي وجوزك ده نصيحة مني مترجعيلوش تاني والله اللي زي ده ميتعاشرش . . . . .خليه قاعد جمب اهله هو الخسران .

=عارفه يامني انا كنت حامل وسقطني هو وأمه . . . . .

_ ايه؟! حامل . . . يالهوي سقطوكي ازاي فهميني . . . .

= قعدو يض*بو فيا وفبطني وداسو علي بطني لحد ما جالي نزيف وسقطت . . . . .

_ طب اهدي ياحبيبتي متعيطيش بالله عليكي انتي قطعتي قلبي وانا معرفش حاجه وشفتك صدفه .الحمد لله اني جيت اتطمن عليكي متقلقيش انا معاكي وجمبك . . . . .

وبعدها صاحبت ايمان مشيت وهيا ماشيه سلمت علي مامت ايمان وقالتلها ياطنط خلي بالك من ايمان بنتك طيبه وغلبانه اوي . . . . .

قعدت ايمان تفكر هتعمل ايه وتتصرف ازاي وعدا يومين وفحأه لقت الباب بيخبط وباباها فتح وهي كانت فالاوضه . . . .

_ انت ليك عين تيجي هنا تاني ياحيوان دانا هموتك وهعلمك تمد ايدك علي بنتي ازاي . . . . .

= استني بس ياعمي هشرحلك والله . . . .

طبعا بابا ايمان مستناش وفضل يض*ب فيه جامد حتي محمد معرفش يدافع عن نفسه معاه . . . .

خرجت ايمان من الاوضه تجري وتقوله انت عايز مني ايه تاني ورقة طلاقي تجيلي واحد زيك مينفعش يكون زوج ولا حتي أب .وانا عمري ماهنسي اللي انتو عملتوه فيا ولا هنسي إنك موتت ابنك بإيدك ياكداب ياغشاش انا معرفش صدقتك ازاي ومشيت ورا قلبي . . . . .وبتعاملني معاملة الكلاب فالبيت أنا هعرفك مين هي ايمان وهتشوف انا هعمل ايه . . . . كفايه بس كلمه حسبي الله و نعم الوكيل تتقال فيكم ربنا هيجبلي حقي ان شاء الله . . . .

_ ايمان . . . اسمعيني انا اتغيرت والله انا بقيت لوحدي فالبيت كل واحد بيشوف حاله وحياته الا انا . انا معرفش انا عملت كده ليه بس انا والله حقيقي بحبك . ارجعي البيت وانا هشيلك علي راسي ومش هعملك اي حاجه تاني والله انا محتاجلك جمبي اوي . . . .

= يلا مع السلامه امشي من هنا . بيت مين ده اللي عايزني ارجعه انت بتستهبل .البيت اللي ممتك قاعدالي فيه عالنفس اللي بتنفسه دانا بخاف اغير لحسن الاقيها بتفتح الباب عليا . . . . .

بيتك ده انا عمري ماهدخله تاني ولا انت هتكون جوزي في يوم من الايام . . . . .

_ ايمان . . . متحطميش قلبي انا موجوع بجد عليكي وجيتلك لحد عندك قدام اهلك انا محتاجلك جمبي . . . .

= وانا مبقتش محتجالك الموضوع منتهي خلاص . . . . . وابقي خد الورد اللي انت جايبه ده ان شاء الله نبقي نطلع عليك بيه فالترب

محمد سمع الكلمتين منها ومشي . . . . بصت هي من ورا الشباك بتاع اوضتها عليه لقيته ماشي بيعيط وبيمسح دموعه . . . استغربت جدا هو بجد مش بيمثل وعايزها بجد ولا هو ايه اللي جراله . اكيد أهله محدش مستحمله هناك ولا حد فاضيله خالص . . . . .

ايمان لقت نفسها بتمسك موبايلها وبتتصل بإبراهيم . . . . .

_ الو عامل ايه ياابراهيم . . .

= الحمد لله انا كويس قوليلي انتي اللي عامله ايه هموت واتطمن عليكي وخايف اتصل بيكي يحصل مشكله بسببي . . . .

_انا عايزه احكيلك حاجات كتير حصلت . . . .

= قولي يابنتي قلقتيني . . . .

= محمد جالي وجايب ورد وجاي يصالحني وقعد يعيط وبابا اول مادخل الصراحه ض*به وجابلي حقي جدا . . . .

_ آه وبعدين .

= مالك ياابراهيم . . .

_ مالي ؟؛ هيكون مالي اصلي حاسس كده وانتي بتتكلمي والله اعلم انك رجعتي تحنيلو تاني . بصي ياايمان انا عمري ماهخرب عليكي حياتك بس انتي مشيتي بدماغك وشفتي دماغك وصلتك لفين امشي بقي بدماغي المره دي واسمعي كلامي . . . . . محمد ده عمره ماحبك ولا بيعرف يحب اساسا . ده شخصية زباله اسمعي كلامي اوعي تفكري ترجعي لشخص زي ده . هتتبهدلي .

= ماشي ياابراهيم انا هقفل عشان تعبانه .

_ انتي زعلتي من كلامي انا خايف عليكي .

= لا مزعلتش بس تعبت شويه .

_ طيب روحي ارتاحي شويه . . .

= طيب سلام .

_ سلام .

طبعا ايمان حست ان محدش هيوافق انها ترجع لمحمد وشكلها بدأت تحن اول ماشافته بيعيط عشان عايز يرجعلها . . . . . ولقت نفسها بتكلم سلمي صاحبتها تقولها نفس الكلام واتفاجئت من رد فعل سلمي عليها قالتلها . . . . .