هكذا كان قدري.البارت الثامن
1665 Words
_ انتي اتجننتي يا ايمان عاوزه ترجعيله بعد ما ذلك وهانك هو و اهله انتي بتفكري ازاي اصلا انتي معندكيش مخ . . . . .
= اصل انا حاس انه ندمان يا سلمي باين عليه انه متبهدل من غيري . . . .
_ افتكري الي عمله فيكي هو و امه وافتكري حرقه قلبك علي ابنك وانه رماكي زي الكلبه في اوضه ضلمه وساب اهله يدوسوا عليكي و يدوكي بالجزمه . . . . ..
= انا منستش كل ده بس انا خايفه من كلام الناس يقولوا عليا دي اتطلقت من اول سنه جواز كده . . . .
_ ما تغور في داهيه الناس انتي شكلك بتتلككي عشان عاوزه ترجعيله تاني والي زي ده عمره ما بيتغير يا ايمان انا خايفه عليكي . . .
= ماشي يا سلمي هفكر كده هعمل ايه و اكلمك . . . . . .
قعدت تفكر هتعمل ايه و مش لاقيه حل . . . هي لسه بتحبه بس كرامتها ناقحه عليها ومخلياها مش قادرة تبص في وشه . . . . .
خرجت بره تشرب ميه لقت احلام اختها قاعده في الصاله . . . .
( احلام من النوع الكتوم جدا ومبتحبش تدخل نفسها في حاجه ولا تحكي حاجه عن نفسها لحد هي و ايمان اخوات لكن بالاسم بس طول عمرهم بعاد عن بعض بسبب اسلوب احلام )
ايمان ملقتش حد تتكلم معاه غير احلام فا قالت تتكلم معاها ل اول مرة جايز تساعدها في اي حاجه عشان هي تايهه ومش عارفه تعمل ايه . . . . . .
_ ازيك يا احلام عاملة ايه . . . .
= الحمد لله انتي عاملة ايه دلوقتي . . . .
_ بقيت احسن من الاول الحمد لله . . . كنت عاوزه اتكلم معاكي كده شوية بخصوص مشكلتي . . . . .
= تتكلمي معايا انا ! غريبه دي اوي و احنا من امتي بنتكلم مع بعض يعني . . . . .
_ اصل انتي اختي الوحيده و اكتر واحده المفروض تقفي جنبي بس انا ملقتش ده منك خالص . . . . .
= دلوقتي افتكرتي ان انا اختك الوحيده منا علي طول كنت قدامك كنتي بتروحي تحكي وتتكلمي مع اصحابك وانا ولا كأنك شيفاني انا هوا بالنسبالك يا ايمان دلوقتي انا اختك الوحيدة عالعموم مش وقت الكلام ده وانا هطلع احسن منك و اسمعك احكي يا ايمان اتفضلي . . . .
_ طبعا انتي عارفه الي حصلي والبهدله الي اتبهدلتها من محمد و اهله . . . . هو راجع دلوقتي ندمان وعاوزنا نرجع ل بعض . . . .
لقيتها استغربك اوي وبتقولي . . . .
= محمد عاوزكم ترجعوا لبعض . . . غريبه اوي دي . . . .
_ ايه الي غريب يا احلام . . . .
= لا ابدا مش قصدي اصل الي حصل ده مش قليل انا استغربت انه عاوزكم ترجعوا بعد كل ده . . . . .
وبعدين قررتي تعملي ايه . . . . .
_ كل الي حواليا بيقولولي لا طبعا مترجعيش وبابا رافض رفض تام بس مخبيش عليكي انا ابتدي قلبي يحنله . . . .
= خلاص ترجعي بشروطك . . . .
_ شروط ايه . . . .
= تيجي تسكني هنا جنبنا و تسيبي بيت اهله عالاقل تكوني جنبي اجي ابص عليكي من وقت للتاني . . . .
_ ياريت تفتكري هيوافق . . . . .
= قوليله دا شرطي لو مش عاجبك انت حر . . . . وسيبي موضوع بابا و ماما دا عليا انا متقلقيش . . . . .
_ انا مش مصدقه انك اتغيرتي كده يا احلام وعاوزه تحليلي مشاكلي انا نفسي علاقتنا تفضل كويسه مع بعض لأننا مهما كان ملناش غير بعض . . . . .
دخلت ايمان اوضتها وحست انها ارتاحت شويه وكأن حد اداها امل انها تكمل . . . ومحمد كان عمال يبعتلها رسايل عالواتس . . . .
_ وحياة كل لحظة حلوة بينا يا ايمان ارجعي انا مش عارف اعيش ولا انام ولا اكل البيت من غيرك وحش اوي . . . اطلبي اي حاجه وهعملهالك صدقيني احنا ملناش غير بعض . . . . .
انا هيجرالي حاجة من غيرك ارجعيلي يا ايمان ابوس ايدك . . . .
كانت بتشوف الرسايل ومن جواها فرحانه بس مكنتش بترد عليه . . . .
هي دلوقتي محتاره ترد عليه وتشوفه عايز ايه هيتغير بجد ولا بيهزر ولا تسيبه كده متعلق ميعرفش هي هترجعله ولا لا . . . . .
بس ايمان فرحت جدا بكلام اختها لإن الكلام طمنها وحسسها ان اختها جمبها بجد وبتحبها من قلبها وواقفه فضهرها لأول مره تعمل كده . . . . .
خرجت اختها احلام تتكلم مع باباها ومامتها وتقولهم ان ايمان ترجع بيتها ومتخربش بيتها بس بشرط انه يجيبلها شقه تمليك تقعد فيها بس اهم حاجه انها تكون جمبنا وتبعد عن أهله دول خالص . عشان تكون حياتهم مستقله . . . . .
وقعدت احلام تقولهم انا حاسه ان لو ايمان رجعت وجبلها شقه جمبينا هنا هيتغير محمد معاها جدا . . . . .
المشكله بقي ان باباهم رافض رفض تام لإنه شايف ان محمد ده ميتعاشرش واهله دول وحشين اوي . لكن مامتهم قعدت تفكر فكلام احلام وحبت ان ايمان بنتها تسكن جمبها لإن هي لو جمبها واحتاجت اي حاجه هتلاقيهم اول ناس جمبها علي طول واي حد هيعملها حاجه هيقفوله ومش هيسيبوه . . . . .
وبعد كام يوم محمد قاعد فالبيت حزين ومش عايز يكلم حد ومش عايز يشوف حد غير مراته وقعد يفكر هو ازاي اذي اكتر بنت حبها فحياته وحبته من كل قلبها وضحت بكل حاجه عشانه وقعد يفكر فإبنه اللي موته قبل ماييجي الدنيا . . . . .
ونزل يتكلم مع ممته تحت واخته واخوه قالهم انا عايز ارجع مراتي وهي مش هترجع غير لما اجيبلها شقه بإسمها عشان تضمن حقها مني بعد اللي عملناه فيها . . . . .
ردت أمه عليه وقالتله . . . . .نعم ياحبيبي مين دي اللي ترجعها ده علي جثتي ان شاء الله ان ترجع لواحده زي دي . . . . .
محمد قالها انتي ليه عايزه تدمري حياتي .كل واحد عايش فيكم حياته وانا اللي حياتي خلاص اتخربت وبيتي اتخرب عشان مشيت ورا كلامكم . . . . .
ممته استغربت جدا من كلامه . وقالتله والله العظيم يامحمد لو رجعتلها لا انت ابني ولا انا اعرفك . . . . .
قالها براحتك ياامي انا عملت اللي عليا ونزلت اتكلم معاكي قبل مااتصرف من دماغي من غير ماحد فيكم يعرف حاجه . . . . .
اخته وفاء ردت عليه وقالتله انت كمان عايز تعمل من ورانا ازاي يامحمد انت نسيت ان ليك اهل ولا ايه . . . . .
_ لا منستش ان ليا اهل بس برضوا انتو كل واحد فيكم عايش حياته وناسييني وانتي يا وفاء بكرة تتجوزي وتعرفي يعني ايه بيت واسره وحب انا دمرت حياتي ب ايدي وهنت حب حياتي من تحت راسكم انتوا . . . . .
قتلت ابني الي كنت بحلم بيه ب ايدي وهي كان ممكن تحبسني بس مهنتش عليها . . . . .
انا فعلا كنت غلطان لما سمعت كلامكم ومشيت وراكم انا استاهل كل الي يجرالي وانا هعرف اصح غلطتي ازاي . . . . .
وسابهم ومشي . . .
طلع محمد فوق يفكر هيعمل ايه و مامته واخته قعدوا يتكلموا مع بعض . . . . .
_ هنعمل ايه يا بت يا وفاء هنسيب اخوكي يضيع كده مننا ونفضل ساكتين الواد الي حيلتي واحده هتيجي تاخده عالجاهز وهيبعد عننا . . . . .
= معرفش هنعمل ايه يا ماما البت دي مش سهلة خالص وعاوزه تاخده ليها لوحدها ولا عامللنا اعتبار خالص . . . . .
_ لا انا مش هسكت انا هطلع اخد ابني في حضني وانفذله الي هو عاوزه بدل ما تلهفه مني . . . . .
طلعت مامته عنده البيت وعامله نفسها بتعيط و متأثرة . . . .
_ بقي كده برضو يا محمد طلعنا وحشيين و احنا الي خاربنلك بيتك طيب يابني كتير خيرك عالكلام ده. . . . . . .
= يا ماما متقوليش كده انتي عارفه غلاوتك انتي ووفاء عندي بس انا قعدت افكر لحظه لو جوز وفاء كان عمل فيها الي عملناه في ايمان كان رد فعلنا هيكون ايه . . . . .
_ بس انا بنتي متربيه يا محمد مستحيل تبلغ عن جوزها وترميه فالاقسام زي ما ايمان عملت فيك وبعدين زعلان عليها انا هجبلك ست ستها متزعلش نفسك . . . .
= لا يا ماما انا مش عاوز حد غير ايمان دي حب حياتي . . . . انا هروح عند باباها استسمحه تاني . . . .
_ تروح تذل نفسك . . .. انا بقي هاجي معاك عشان لو حد اتكلم انا الي هرد عليه بنفسي . . . . . .
= ماشي يا ماما انا عالعموم رايح بكرة اتكلم مع باباها تاني وعاوزك اي حاجه يطلبها توافقي عليها عشان الموضوع يمشي . . .. . .
_ وكمان هتوافق علي كل طلباتهم مانت خايب خليهم يركبوك ويدلدلوا اكتر ما هما . . . . . . .
= ولو سمحتي لو مش هتعملي كده ياريت متجيش خالص . . . . .
_ انا هحط جزمه في بوقي خلاص اهو . . . . . .
نزلت تحت عشان تحكي لبنتها الي حصل . . . . .
_ تعالي يا وفاء تعالي شوفي خيبه اخوكي و هبله . . . . .
انا اقعد اربي و اكبر وفالاخر يقولي شوفي طلباتهم يا ماما وقوللهم حاضر من غير متتناقشي معاهم اهو دا اخوكي الراجل الي ربيته و كبرته . . . . .
= خلاص يا ماما متروحيش معاه ومتحرقيش في دمك . . . . .
_ مروحش دنا هروح وهروح امال اسيبلهم الواد ال حيلتي يتحكمو فيه . . . . . وهرد عليهم كمان دنا بهاوده بس عشان ياخدني معاه اشوف ايه حكايتهم بالظبط وناويين علي ايه . . . . .
ما تيجي معايا انتي كمان يا بت . . . .
= اجي فين يا ماما بس لا طبعا وانا مالي . . . . .
خلصوا كلام ومامتها دخلت تنام عشان تجهز نفسها وتشوف هتعمل ايه تاني يوم مع ابنها واهل مراته . . . . . .
- Writer
