هكذا كان قدري

هكذا كان قدري.البارت التاسع

تاني يوم مامت محمد صحيت وكانت حاسه بحالة غريبة اوي .حالة قلق وخوف خايفه ابنها يروح من ايديها بسبب انه هيمشي ورا كلام مراته وينفذلها اللي هي عايزاه . . . . .

قامت من النوم وندهت علي بنتها ها يا وفاء هتيجي معايا يابنتي ولا هتسيبيني اروح لوحدي . . . . .

اجي معاكي فين بس ياماما لا طبعا روحي انتي وشوفي الدنيا فيها ايه وشوفي رد فعلهم مع ابنك . . . . . بس بقولك ايه خليه يتقل عليهم شويه عشان ميطمعوش فينا.

طلعت مامت محمد فوق وندهت عليه قالتله انت فين يابني انا جهزت . ونزل محمد وقالها انا جاهز يالا بينا . . . . .

مشيو وهما ماشيين محمد وقف التا**ي ونزل يعملها بوكيه ورد وخلي الراجل صاحب المحل يكتبلو جوه الكارت كلام مكتوب فيه ( ارجعيلي أنا مش قادر اعيش من غيرك .بحبك اوي) ودفع الفلوس ده كان أغلي بوكيه ورد فالمحل كله . . . . وجاب من هناك بو** فاضي مربع . وعدي عالسوبر ماركت اللي قريب من محل الورد جاب منه شوكلاتات كبيره وحطهم بطريقه شيك فالبو** وبعدها علي طول ركب التا**ي مع ممته . . . . .

ممته بصتله بصه غريبه جدا كانت عايزه تتخانق معاها راحت بتقوله _ هو ايه اللي انت متنيل مهببه ده . جايبلها ورد وايه اللي فالصندوق ده دفعت كل اللي وراك عشان ترضي الست المحروسه اما اشوف اخرتها معاك ايه . . . . .

= وطي صوتك ياماما السواق بيتف*ج علينا .آه ياستي صرفت كل فلوسي عشان احاول اسعد مراتي انا مبقتش طايق البيت من غيرها وعايز افرحها وهحاول ارضيها بأي طريقه .هو ده يزعلك يعني ان ابنك يكون سعيد ! . . . . .

_ انا مش هتكلم ولا هرد اما اشوف اخرتها .

ووصلو عند بيت ايمان .محمد بيخبط لقي باباها بيزعق جامد وبيقوله انتو جايين تعملو ايه هنا معنديش بنات هترجعلك امشي وخد امك من هنا بدل ما ارتكب جناية . وراحت مامت ايمان قالت للست هي دي بنتي اللي سيباها آمانة عندكم ترضي بنتك يتعمل فيها ربع اللي حصل فبنتي .تقبلي ان حماتها وجوزها يدوها بالجزمه ويكرهوها فعيشتها ويموتو ابنها ويحسروها عليه ماتردي عليا . . . . .

طبعا مامت محمد فضلت ساكته عشان تخيلت بنتها لو حماتها عملت معاها كده هتعمل فيهم إيه.

مامت ايمان قالت قدامهم انا شرطي الوحيد ان بنتي ترجع انها تسكن معايا فنفس العمارة هنا في شقه تحت معروضه للبيع وانا هقعد فيها بنتي . . . . عالاقل تبقي تحت عيني ولو احتاجت حاجه انا موجوده انا وابوها هنديها عينينا .

_الست ردت عليها قالتلها وليه بنتك متعييش زي بقيت الناس عندنا فبيت حماتها احنا فالبلد ده نظامنا .

= ونظامكم ده مينفعناش انا مش هسيب بنتي تبعد عن عيني ابدا .

_ وابني هيجيب منين كل الفلوس دي عشان يجيب شقه وعفش بيت كامل .

= يجيب اللي يقدر عليه واحنا هنكملها الباقي احنا الحمد لله عايشين عشان خاطر نسعد ولادنا مش أكتر . . . . .

محمد رد قالها وانا موافق وهعملكم اللي انتم عايزينه ودخل خبط علي ايمان فالاوضه فتحت وهي بتعيط صعبان عليها اللي حصلها منهم . مسح دموعها وقالها انا بحبك وعمري ماهأذيكي تاني ابدا واداها الورد والشيكولاته وهي طبعا فرحت بيهم جدا . وقالتله ياريتك عملت كده من زمان يامحمد كانت حياتنا هتكون احسن من كده . . . . .

_ وهعمل المستحيل عشان ترجعي تحبيني تاني زي زمان واكتر وهجبلك ان شاء الله الشقه اللي انتي عايزاها . . . . .

= ضحكت وطلعت برا وقالتلهم خلاص يابابا انا هرجعه بس هفضل هنا لحد مايجيب الشقه اللي تحت .اتفق بقي مع الراجل يابابا وشوفه عايز فيها كام . . . . .

_ امه ردت عليها قالتلها ماترجعي معانا يابنتي واخزي الشيطان بدل المصاريف اللي هتدفعوها دي كلها . . . . .

= قالتلها لا مش هينفع خلاص للأسف انا لسه عروسه جديده وعايزه ادلع جوزي . . . . .

ايمان قالتلها كده عشان تحرق دمها وتغيظها زي ماكانو بيعملو معاها . . . . الست كانت هتولع نار وخدت بعضها ومشيت وهي زعلانه وقعدت تقول لابنها انت لو عملتلها كده هتبقي دلدول ومش راجل . . . .

_ قالها هو انتي كل حاجه عايزه تنكدي عليا وخلاص هو انا مبلحقش افرح خالص .انا دلدول ياستي خلاص . . . . .

روحو البيت بتاعهم وطلع محمد اوضته قعد يبعت لايمان كلام حب وغرام وحسسها انهم لسه مخطوبين . . . . .

لكن ممته راحت اوضة اخته قعدت تقولها اخوكي الدلدول عمالين يتشرطو عليه وهو يقول حاضر وخلاص . . . . .

_ طب هنعمل ايه ياماما خلاص هو م**م يرجعلها خلاص محدش هيعرف يقف فطريقه .

= دول عايزين شقه وعفش وهتاخد الواد مني وانا متعوده ان ولادي يكونو حواليا كلهم . . . . .وراح البيه جبلها ورد وشوكلاتات اد كده .اخوكي خلاص مبقاش عنده اي شخصيه خالص . . . . .

_ ما خلاص بقي يا ماما انتي موراكيش سيرة غيرهم ولا ايه . . . .

= مالك يا بت يا وفاء انتي شكلك مش مظبوط بقالك كام يوم . . . . .

_ مفيش حاجه ياماما مرهقه شويه معرفش مالي . . . . .

= حد زعلك طيب يابنتي ولا مخنوقه من ايه.طيب ماتنزلي تشوفي اصحابك وتخرجي شويه تغيري جو يمكن تكوني مخنوقه . . . . .

_ سيبيني ياماما ارتاح شويه وانام وهشوف هعمل ايه لما اصحي تصبحي علي خير . . . . .

دخلت وفاء الاوضه وكانت عامله موبايلها صامت عشان بتخاف موبايلها يرن وحد يسمعه . . . . .

لقت أحمد بيتصل بيها بيقولها ها هتبعتيلي صورك وانتي لابسه كت ولا ابعت صورك اللي معايا لاخواتك واوريهم اختهم . . . . .

_ حرام عليك انت لو عندك اخت هتعمل فيها كده . . . . .انت معيشني فرعب بسبب كلامك انا لاعارفه آكل ولا اشرب سبني فحاله ابوس ايدك .انا كل اللي عملته اني حبيتك من كل قلبي . . . . .

أحمد ده واحد كان شغال فسوبر ماركت جمب بيتهم فالبلد . ووفاء عشان حلوه شويه ودمها خفيف اتشدلهت اوي وحبته بجنون وقعد يعمل المستحيل عشان يقربلها وفعلا ارتبطو ببعض واتعلقت بيه جدا . . . . .

وهي مش حاكيه لأهلها أي حاجه ولو عرفو حاجه زي كده ممكن يموتوها فيها لإن عاداتهم وتقاليدهم غير كده خالص . . . . .