هكذا كان قدري

هكذا كان قدري.البارت العاشر

وعدت ايام ووفاء برضه زي ماهي قاعده مرعوبه خايفه ان احمد اللي حبته واستأمنته علي حياتها يعمل فيها كده . . . . .

كل شوية يهددها ويكلمها يقعد يتصل بيها كتير وهي خايفه وقيلاله متتصلش بيا كتير فالبيت عشان خاطر اهلي ممكن ياخده بالهم ان التليفون بينور ويعملولي مشكله . . . . .

وهو برضه مبيسمعش كلامها خالص وبيعند معاها وكل شويه تهديدات بالصور بتاعتها . . . . .

خلاها تتصور صور وهي عريانة . والمسكينه مش عارفه تعمل معاه ايه ولا تتصرف إزاي . . . . .

وفي يوم كلمها وقالها انزليلي دلوقتي حالا انا قريب من بيتك . . . . .

_ يانهار اسود قريب منين . . . .

انزلك ازاي دانا اخواتي هنا . طب هقولهم رايحه فين . بالله عليك متتهورش . طب هبقي اشوفك اي يوم تاني طيب . . . . .

= لا هتنزلي دلوقتي ووريني كده مش هتنزلي ازاي ؟!.

وفاء قعدت تلطم فالأوضه علي وشها لإنها مش عارفه تعمل ايه ولا ايه بالظبط .ياتري هتقول لأهلها انا نازله رايحه فين . لبست بسرعه وراحت تفتح الباب مامتها بتقولها انتي رايحه فين ياوفاء . . . . .

= مفيش ياماما انا بس كنت هروح اشوف صاحبتي نهي عشان تعبانه شويه ومش هتأخر . . . . .

_ روحي ياحبيبتي ربنا معاكي . . . .

ومشيت وفاء لقيته واقفلها بعيد اتصلت بيه وقالتله ابعد خالص وقولي نتقابل فين انا كده هتفضح قدام الناس . . . . .

= قالها حاضر قابليني عند الكشك اللي بعيد خالص اول شارع بيتكم وانا هوصفلك هتجيلي البيت ازاي . . . . .

_ بيت ؟! بيت مين اللي عايزني اروحه . . . . .

= بيتي ياحبيبتي عايز اقعد معاكي براحتي واشوفك وأملي عيني منك واحس بيكي . . . . .

_ انت اتجننت ولا ايه انت ناسي انا مين واهلي مين . . . . انا مقدرش اعمل كده .

= لا هتعملي كده وهتعملي كل اللي انا هقولك عليه لو مكنش بمزاجك هيبقي غصب عنك عشان انا مفيش ست بتقولي لأ . . . . .

_انت بتعمل معايا كده ليه .كل ده عشان وثقت فيك وحبيتك ومكنتش عايزه ازعلك ولا اخليك تبعد عني . . . . . انا هروح مش عايزه اشوفك واعمل اللي انت عايزه بس اعرف حاجه واحده ان كما تدين تدان ولو بعد حين . . . . .

مشيت وفاء وهيا منهاره من العياط ازاي مفكرتش بعقلها وفكرت بقلبها بس وفالاخر ربنا يوقعها فواحد بالشكل ده عايزها تسلمله نفسها وفالاخر يفضحها ويخلي بيها . . . . .

قعدت تفكر فالمصيبه اللي هيا واقعه فيها دي وعماله تقول اعمل ايه يارب وفجأه لقت نفسها بتتصل بمرات اخوها ايمان . . . .

_ الو ازيك ياايمان عامله ايه .

= مين معايا؟!

_ انا وفاء اخت محمد .اوعي تقفلي السكه بالله عليكي.انا عارفه ان اهلي ظلموكي وجم عليكي وض*بوكي بس انا والله كنت بشاركهم فالكلام بس وعمري مافكرت اضرك .حقك عليا ياايمان انا عارفه انك غلبانه وطيبه ومتستاهليش كل ده .

= وانتي بتكلميني عشان تقوليلي كده بس ياوفاء ؟!.

_ لا الصراحه انا واقعة فمصيبة ومفيش حد هعرف احكيله ولا اتكلم معاه غيرك ممكن تساعديني انا هتجنن انا محتجالك اوي معايا . . . . .

= مصيبه ؟! مصيبة ايه اتكلمي في ايه ربنا يسترها يارب ان شاء الله .اتكلمي انا هقف جمبك متخافيش والله . . . . .

_ بس بالله عليكي محدش يعرف اللي هقولهولك ده ياايمان انا ممكن اتفضح واروح فستين داهية .

=والله ماهقول لأي حد خالص . احكي بسرعه قلقتيني عليكي اتكلمي.

_ انا بقالي سنة عارفه واحد وكنت بحبه اوي اوي وكان بيكلمني كلام حلو اوي وبيعاملني كويس جدا . . . . .

لحد ما فيوم كلمني فيديو عالموبايل وقعد يقولي اقلعي هدومك وانا اقوله لأ وهو برضه م**م قالي انا محتاجلك اوي جيت اقلع ات**فت اوي . . . . .خلاني ابعتله صور عريانه ليا بعتله صورتين وسكتت .بقي كل شويه يطلب مني فيديوهات وصور اد كده . . . . .

مبقتش عارفه اعمل ايه . وبقي بيهددني لو مبعتلوش صور جديده هيروح يقول لاخواتي وهما ممكن يموتوني فيها . . . . .هو عايز يعملي مصيبة فأي حاجه وخلاص .قوليلي اعمل ايه ياايمان بالله عليكي انا هموت من التفكير . . . . . واخرتها كمان نزلي من البيت دلوقتي كان عايزني اروح معاه شقته تخليلي . . . . .

= يالهوي ياوفاء شقته ازاي بس وانتي عملتي ايه وقولتيله ايه قوليلي بسرعه . . . . .

_ قولتله انت اتجننت انا مش هروح فحته ومش هقابلك واعمل اللي انت عايزه . . . . . وقفلت التليفون وكلمتك علي طول .

= بصي ياوفاء الولد ده مش بيحبك خالص لو كان بيحبك زي مابتقولي مكنش عمل معاكي كده وانتي غلطانه انك ترضي تنفذ*له اي حاجه بيقولهالك . ده ممكن يود*كي فداهية . . . . .

_ طب قوليلي اعمل ايه ياايمان واتصرف ازاي بس . . . . .

= ده المفروض تبعدي عنه خالص . لازم نفكر ازاي هنقدر ناخد موبايله ونمسح كل اللي عليه وبكده تسيبيه وانتي متطمنه انه مش هيفضحك ولا هيعملك اي حاجه ابدا بس ناخد موبايله ازاي بقي . . . . . سيبيني افكر ففكره حلوة وروحي انتي ارتاحي فالبيت عشان كمان اهلك ميشكوش فحاجه وبالليل نتكلم . . . . .

_ ربنا يخليكي ليا ياأجمل مرات اخ فالدنيا انا كنت متأكده ان اصلك طيب وحنين والله . مش عارفه اشكرك ازاي . . . . .

= متقلقيش وخلي بالك من نفسك ياوفاء وانا جمبك للنهاية والله انتي بس اديني رقم الحيوان ده وانا هتصرف متخافيش خالص.

_ حاضر طلعت وفاء موبايله وادت الرقم لايمان وقالتلها اوعي حد يعرف بدل مايموتوني . . . . .

= لا طبعا والله سرك فبير وبير غويط كمان انتي لسه متعرفنيش كويس . . . . .

وروحت ايمان بيتها ودماغها هتنفجر من التفكير صعبان عليها وفاء برغم كل اللي اهلها عملوه فيها وجابت موبايلها وكلمت الرقم لقت حد بيرد وبيقول . . . . .

_ الو ايوه مين معايا .

= قالتله مش لازم تعرف انا مين اللي لازم تعرفه ان لو مبعدتش عن وفاء انا هزعلك وهحبسك ومش هتعرف انا ممكن اعمل فيك ايه . . . . .

_ رد قالها تحبسي مين انتي فاكره نفسك مين ياست انتي ابقي وريني هتحبس ازاي كده .

= حرام عليك هي لو اختك ترضي حد يعمل معاها كده ولا يبتذها بالطريقة دي . . . . .

_ انا اختي لو صايعه ودايرة علي حل شعرها انا كنت قتلتها من زمان . . . . .

= بس هي مش صايعه وانت عارف كده كويس هي حبتك وحبت تعملك اللي انت عايزه هي صغيره مش فاهمه .حرام عليك تفضحها طب خلاص ابعد عنها وسيبها فحالها وكل واحد فيكم يروح لحاله . . . . .

_ لا مش هسيبها انا مش عارف عندها ازاي أخين رجالة وسايبين اختهم كده . دي بتبعتلي صور عريانه ليها فاهمه يعني ايه . . . . .

= علي فكره ربنا مش هيسيبك وهيردهالك فأمك او اختك او بنتك بعد كده وبكره تصدق كلامي ده . . . . .طب ايه المطلوب واحنا ننفذهولك .

_ عايز مليون جنيه وانا ابعد عنها خالص اصل انا بشرب م**رات والنفسيه زفت ممعييش اجيب حاجه تظبطلي مزاجي . . . .

= يانهار اسود كمان بتشرب م**رات ! هي عرفتك من انهي مصيبه واحنا مش هنعرف نتصرفلك فمبلغ زي ده خالص هنعمل ايه هنجيب منين.

_ مليش دعوه اتصرفو بدل مااسوء سمعتها وافضحها ولا هتطول سما ولا ارض . . . . .

كل ده وايمان عامله تسجيل للمكالمه عشان تهددو بيها وتقدر توقعه فالكلام ويتسجن ويبعد عن البنت