هكذا كان قدري

هكذا كان قدري .البارت الثالث

قفلت مع ابراهيم وحسيت بحاجه غريبه ازي .ابراهيم لسه بيحنلي وصوته بيوحيلي انه لسه بيحبني . برغم اللي عملته معاه ورحت فكرت فنفسي واتجوزت راجل غيره. هو ده اللي انا موافقتش عليه زمان ليه مصبرتش عليه لحد ما يخلص ويشتغل وربنا يكرمه ويتجوزني .بس انا غصب عني محمد اما دخل فحياتي شقلبلي حياتي خالص بقيت واحده تانيه كنت معميه عن كل الناس وخلاني أحبه جدا ومشفش حد غيره ولا حد كان مالي عيني غيره .بس انا ابتديت احن لإبراهيم حاسه ان هو هيساعدني ويخليني احبه اوي .ويخلصني من الهم اللي انا فيه ده . وبعدها نمت وطفيت النور .

صحيت الصبح لقيت محمد جيه وبات عند أمه تحت .اتضايقت جدا منه عشان مهما حصل ميسبنيش وينام عند ممته.فبسأل عليه قالولي جيه بالليل ولسه خارج رايح شغله .جبت موبايلي وقفلت علي نفسي الباب واتصلت باابراهيم .

_ الو صباح الخير ياايراهيم .

= صباح الفل ياإيمي .

_ لسه بتدلعني زي زمان .

= طبعا حد يسمع صوت القمر وميدلعهوش .

_فكرت فحل ولا لسه ؟! .

= اه طبعا فكرت .بصي ياايمي انا رأيي انك تتكلمي مع جوزك بالراحة وتحاولي تبعديه عن أمه خالص وتقوليلو انك بتحبيه حتي لو بتمثلي .عشان الرجاله بتحب الكلام الحلو أوي .وتفهميه بالراحه انكم لازم تاخدو شقة تانيه برا بيت العيلة اللي انتو فيه ده .يمكن جوزك يتغير انتي بتقولي انه كان حاجه وبقي حاجه تانية خالص وبتقولي إنه اتغير معاكي جدا .يمكن اما يبعد عن امه يبقي كويس .معلش فكري كويس انا مش عايزك تيجي فيوم من الايام وتفتكري ان انا خربتلك بيتك وحياتك .حتي لو دي آخر محاوله اللي هتحاوليها معاه وبعد ياستي اعملي اللي انتي عايزاه .اقفلي معايا وكلميه دلوقتي ومتنسيش تمسحي رقمي من عندك عشان ميمسكش تليفونك ويعملك مشاكل .

_ حاضر ياابراهيم هكلمه ولو عرفت اكلمك اقولك ايه اللي حصل هتصل بيك . مع السلامه .

= مع ألف سلامه . وخلي بالك من نفسك . وهطلب منك طلب ياإيمي حاولي تاكلي كويس عشان متتعبيش وتدوخي وتقعي انتي حامل وأنا خايف عليكي أوي .

_ حاضر ان شاء الله متقلقش .

= سلام .

_ سلام .

قفلت معاه وقولت هتصل بمحمد عشان اقوله اللي ابراهيم قالهولي وبعدها فكرت قولت انا هكلمه ييجي البيت الأول وبعدها افهمه ونتصالح انا وهو .

_ الو ازيك يامحمد عامل ايه ياحبيبي !

= حبيبك ! طب حبيبك ازاي وانتي منكده عليا حرام عليكي ياشيخة والله .

_ طيب تعالي انا عايزاك ضروري .

= عايزه مني ايه ؟

_ عايزه اصالحك مش أنت جوزي حبيبي .

= يعني مش هتنكدي علينا النهارده وهتبقي ليله حلوه .

_ آه تعالي انت بس الاول .

=حاضر هجيلك جري .

_ سلام ياحبيبي .

= سلام ياعيون حبيبك .

قفلت معاه وحسيت ان من جوايا ست كذابة ومشاعري مبقتش صادقه معاه بس غصب عني من اللي عملوه فيا .انا بفكر اصارح محمد بالحقيقة يمكن اما يعرف ان ابنو لسه عايش يتغير ويبعدني عنهم وانا هشيله فوق راسي وهقف جمبه بس بعيد عن هنا .انا مليش فقاعدة الارياف دي انا مش هعرف اقوم كل شويه اروح واطبخ واغسل واروح الغيط .انا بنت ناس مش وش بهدله والله .شويه وسمعتهم تحت بيقولو حمد الله عالسلامه يامحمد انت رايح فين .قالهم طالع اوضتي ارتاح شويه ياأمي .قالتله طيب ياحبيبي روح واما ترتاح انزل عشان نتغدا سوا كلنا .قالها حاضر يا أمي .

بيفتح باب الأوضة لقيته جري عليا وحضني جامد أوي وبيقولي اخيرا وحشتيني قولتلو وانت كمان ياحبيبي تعالي خليك جمبي.فضل قاعد جمبي شويه وبعدها قالي انا هقوم اخد شاور واغير هدوم الشغل دي واجيلك علي طول .قولتله ماشي ياحبيبي.

بعد ماقام عماله افكر اقوله ولا لا وبعدها قررت اقوله علي كل حاجه.

_محمد عايزه اتكلم معاك فحاجه .

= قولي اللي انتي عايزاه كله .

_ بص انا عايزاك ليا لوحدي نقعد براحتنا نلبس براحتنا مش كل شوية نلاقي حد داخل علينا .انا لا بعرف ألبس براحتي ولا أكل براحتي .

= طيب عايزه ايه قوليلي .

_ عايزاك تبعدنا عن هنا ناخد شقه لوحدينا وياسيدي كل أسبوع هنيجي نزور ممتك والله ونبات معاها يوم .

_ ازاي الكلام ده ياايمان انتي عايزه أهلي ياكلو وشي ويقولو انك بتمشي كلامك عليا .كل الناس هنا هتتكلم.

= ياحبيبي إحنا ملناش دعوة بالناس خالص اهم حاجه حياتنا احنا .انا تعبانه وحاسه اننا لو مشينا من هنا حياتنا هتتغير خالص .

_ قالي حاضر هفكر فالموضوع ده ربنا يسهل .

وقعد معايا وقعدنا نهزر ونضحك وقعد يصالحني ويقولي متزعليش مني انا بحبك بس اما بتعصب مبعرفش أمسك اعصابي خالص.وباس دماغي .وكنت فرحانه جدا وقولت خلاص محمد هيتغير.قالي هنزل اشوفهم عاملين غدا ايه عشان نتغدا. ونزل وقعد ساعه تحت اتأخر عليا وبعدها طلع لقيتو بيقولي اللي انتي بتطلبيه ده مش هيحصل ياهانم .انا عمري ماهسيب امي مرمية هنا لوحدها قولتلو اشمعنا انت ما اخوك ومراته سايبنها من زمان وبيجولها علي طول .ليه عايز تدمر حياتنا واحنا لسه عرسان جداد.

لقيته راح ض*بني بالقلم وجرجرني من شعري عالأرض وقالي انسي ولو مش عاجبك العيشه دي غوري فستين داهية تاخدك بعيد عني .وانا قعدت اصرخ ومشي .

لقيت ممته طالعه هي والست اللي اتكلمت معايا قبل كده عندهم بيقولو في ايه يامحمد ايه الصويت ده .لقيته بيقولهم أنا بربيها بس عشان تتعلم بعد كده تفكر فالكلام قبل ماتقوله. وبعدها قعدت تبص للست اللي عندها وشفت فعنيها نظرة شماته فيا وبرضه فرحانه بإبنها وفكراه راجل بجد .جريت من اوضتي ونزلت اجري فالشارع والموبايل فإيدي عشان اكلم ابراهيم احكيله اللي جرالي عشان يلحقني .ووقفت فمكان بعيد محدش هيعرف يوصلي فيه .

_ الو ايوه يا ابراهيم .

= ايمان مالك انتي بتعيطي كده ليه في ايه .

_ شفت ياابراهيم انا سمعت كلامك وبرضه مفيش فايده ديل الكلب عمره ماهيتعدل مسكني ض*بني بالقلم وجرني من شعري عالأرض وقعد يض*ب فيا لحد ماجسمي ازرق.

= حقك عليا انا هجيلك حالا انتي فين وصفتله انا فين وركبت فحته بعيد يقابلني فيها عشان لازم اشوفه اتكلم معاه .

وبعدها ابراهيم جالي ركب تا**ي وجيه علي طول .

_ شفت جرالي ايه شايف قطع شعري بإيده ازاي .

= ده كلب وحيوان وانا والله هتشوفي هعملك فيه ايه .

_ هتعمل ايه يعني .

= هتشوفي .عشان يحرم يمد ايده عليكي تاني .

_ ابراهيم خدني القسم قالي اعملي فيه محضر وهيشوفو جسمك وشكلك كده هيتحبسلو كام يوم حلوين يتربي فيهم .

= هخاف يطلع يموتني بعد كده وانا حامل وهو ميعرفش .

_ بصي ياايمان لازم يتربي عشان قبل ما يفكر يلمسك يعرف ان فيها حبس ليه .

= انا هتطلق منه اصلا مش هفضل علي زمة الراجل ده .

_ وانا عمري ما هسيبك تضيعي مني تاني ابدا .

مشيت وسبت ابراهيم وقعدت افكر انا ليه عملت في نفسي كده وازاي كانت مراية الحب عمياني وكنت شايفه محمد ملاك ومشكتش لحظه انه ممكن يتغير بعد الجواز . .

قعدت افتكر كلامنا ايام الخطوبه واضحك علي هبلي وسذاجتي وافتكر كلام اهلي ليا انه مينفعنيش ولا اجتماعيا ولا ثقافيا واهله ناس بيئه ومبيعرفوش يتعاملوا مع حد . . .

امي اول ما شافت امه مرتحاتلهاش خالص وياما قالتلي الناس دي مش سهله ولا العيلة دي سهلة وانا مصدقتهاش وقولتلها انتي متعرفيش محمد كويس يا ماما محمد انسان محترم ومفيش زيه انتي كل همك الماديات والشكل الإجتماعي عشان منظرك قدام اهلك لكن سعادة بنتك مش فارقه معاكي خالص اهم حاجه منظرك قدام الناس واهلك . . . .

_ خلاص انا نصحتك و الي تشوفيه انا قولتلك الناس دي مش شبهنا ولا زينا وانتي هتعيشي معاهم في نفس البيت وحياتك مش هتبقي مستقله هيتدخلوا في كل حاجه في حياتك وهيق*فوكي في حياتك مترجعيش تزعلي وتقولي عاوزه اتطلق بعد شهر . . .

افتكرت كلامها وقعدت اضحك علي هبلي واقول في دماغي شهر !! دنا من اول اسبوع وانا نفسي اتطلق وانسي اني عرفت الإنسان ده و اهله . . . . .

مسكت تليفوني مسحت رقم ابراهيم بسرعه احسن يمسك التليفون ويفتش فيه و يمسك عليا حاجه وانا ربنا الي يعلم مفيش اي حاجه في نيتي انا كنت بفضفض ليه من حرقت قلبي وانه اكتر حد هيفهمني ويقف جمبي انا مليش اخوات ولاد . . .

روحت علي بيتي ولا كإني عملت حاجه. . . .

فجأه لقيت حد بيحاول يفتح الباب وانا حاطه المفتاح من جوه افتكرت انه محمد راجع يصالحني . . . .

جريت افتح الباب لقيت حماتي في وشي . . . .

_ خير يا طنط فيه حاجه . . .

= طنط ! ماشي مقبوله منك هو ايه الي خير واحده و طالعه شقه ابنها انتي كمان هتمنعيني عن شقه ابني . . . .

_ لا طبعا حضرتك تيجي في اي وقت لكن مش لدرجه انك تفتحي عليا بالمفتاح وتدخلي البيت ليه حرمه افرض كنت بغير هدومي ولا حاجه . . . .

= وماله انا زي امك واحنا ستات زي بعض . . . .

_ ايوة بس انا عمري مغيرت قدام امي ومعلماني مغيرش هدومي قدام حد . . . .

عايزه اقول لحضرتك حاجه انا مش هسيب ابنك يهيني اكتر من كده انا مش واحده هو جايبها من الشارع انا بنت ناس. . .

= انتي بتهددينا ولا ايه يابت انتي مش كفايه انك مطفشاه علي طول من البيت وهو لسه عريس .محمد يا حبيب امه نزل يفك عن نفسه من الخنقه الي هو فيها قالي هنزل اشوف اصحابي افك عن نفسي يا ماما . . . .

_ والله !! خنقه ايه الي عنده دي هو انا خنقاه للدرجادي . . .

= معرفش والله شوفي انتي بقي خنقاه ولا مش خنقاه انتي آدري . . .

_ طيب حضرتك كنتي عاوزه حاجه يعني . . . .

= كنت طالعه ادخل الحمام اصل الحمام بتاعنا مشغول قولت اطلع ادخل حمام ابني . . .

_ طيب اتفضلي . . .

دخلت حماتي الحمام وانا قعدت عالكنبه مش مستوعبة كل الي بيحصل ده و كأني في حلم حياتي مفتوحه لكل الناس و اهلي طلع عندهم حق . . .

وصل البيه الي كان مع اصحابه . . .

_ اهلا يا محمد كل ده تأخير . . .

= انتي فاتحه باب الشقه و قاعده كده ليه . . .

_ هو انا الي فتحاه مامتك جت دخلت عليا من غير حتي ماتخبط .هو انتو عندكم كده عادي مفيش عيب ولا ميصحش زي بقيت البيوت.

= والله امي تعمل اللي هي عايزاه متقعديش تق*فينا كل شويه .

قعدت اصلي وادعي ربنا ان ربنا ينتقملي منهم انا لا عارفه آكل ولا اشرب ولا ارتاح زي بقيت الناس .كل حياتي ليهم مفتوحه عيلة متطفله . . .

شويه ولقينا الباب تحت عندهم بيخبط وسلفتي بتصوت الحقي ياحماتي هياخدو ابنك محمد عالقسم . . . .

قولت الحمد لله يارب ياخدوه واخلص منه ومن شره هو وأمه .

نزل تحت قالوله انت محمد عبد السلام قالهم ايوه انا .

_طب اتفضل معانا انت متبلغ عنك ومعمول فيك محضر .

= محضر من مين . . . . أكيد ياامي هي اللي بلغت عني .متسيبينيش ياأمي . . .

امه قعدت تلطم وتصوت وتعيط وتقولي انتي اللي عملتي محضر فإبني. ابني هيضيع بسببك ياشيخه منك لله .

قولتلها هو انتو لسه شوفتو مني حاجه انا هعلمه يعرف يتعامل معايا ازاي . . . . ولاد الناس مش لعبة.

أمه لبست وجريت وراه علي طول عشان تشوف هتعمل ايه مع ابنها وانا طلعت اوضتي بسرعة كلمت ابراهيم وقولتلو علي كل اللي حصل وبعدها مسحت رقمه خالص من موبايلي بدل ماحد يشك فيا او يمسك تليفوني يلاقي حاجه انا مش ناقصه خالص.

لقيت سلفتي بتخبط الباب عليا جامد قولتلها نعم .قالتلي انتي عايزه تخربي علي نفسك ماتعيشي مانا زيي زيك هنا من سنين وعايشه وحاطه جزمه فبقي وساكته انتي عايزه ايه بالظبط .والله ماهيسبوكي فحالك انتي حره . . .