"Napirmahan ko na iyan, ano pa ba ang gusto mo?" mahinahong tanong niya rito pero ang totoo ay bigla na lamang siyang kinabahan at parang bumilis ang pagtibok ng puso niya.
Pero imbis na magsalita ito ay napangisi lang ito sa kan'ya. Pagkatapos ay mabilis din siyang binitawan at mabilis itong bumalik sa kinauupuan nito.
"I still have a lot of things to discuss. And I hope, you will cooperate with me." At pinagsalikop nito ang magkabila nitong mga palad.
Wala na siyang ibang nagawa kung hindi ang mapabuntong hininga na lang at mabilis na muling umupo sa may kinauupuan niya kanina.
"Makikinig ako," malumanay na sabi niya rito.
"Okay good. Now, I want you to listen to me properly. Hindi dahil mag-asawa tayo ay magbubuhay reyna ka na rito. We are just married on papers. Hindi mo pwedeng
