Halos ilang oras na niyang hinihintay si Clyde na bumaba pero hindi pa rin niya ito nakikita. Mukhang nagtampo talaga ito sa nakita nito kanina at tila nakaramdam naman siya ng guilt pero lamang ang katuwaan sa puso niya na hindi niya maipaliwanag. Hindi niya alam kung bakit masaya siya nang malaman niyang nag-aalala ito para sa kan'ya.
Tinawag niya si Lorna para alalayan siyang umakyat sa itaas. Balak niya kasing puntahan si Clyde para kausapin.
"Salamat Lorna, sige na at pwede mo na akong iwan dito." Nakangiting sabi niya rito.
"Sigurado po ba kayo?"
Marahan lamang siyang tumango rito habang nakangiti pa rin ng bahagya.
Nang ganap itong makaalis ay humugot muna siya ng malalim na hininga bago marahang kumatok.
Pero nakakailang katok na siya ay hindi pa rin nito binubuksan ang pintu
