Tila napipi si Rita at hindi makasagot. Aamin ba s'ya? Ngunit nang maisip na inililihim nga pala nila ni Martin ang tungkol kay Sophia na siyang dahilan ng pananatili nito sa Ormoc, ay agad siyang nagdesisyon ng isasagot sa matapobreng dating amo.
"Rita, ikaw ba yan?" Ulit ni Roda.
Pinisil ni Rita ang kanyang ilong para magbago ang kanyang boses. "Sorry. Hindi po, ma'am, hindi po ito si Rita. Nagbanyo po si ser Martin, kaya paki hintay na lang po." Matapos niyang putulin ang tawag ay huminga-hinga s'ya nang malalim.
Maya-maya pa ay bumalik na rin si Martin. "Pasensya na kung nagtagal ako." Aniya na nahihiya pa.
"Hindi ka pa ba uuwi?"
"Maya-maya na siguro, busog pa kasi ako, e." Sagot ni Martin, pagkatapos ay sinulyapan n'ya ang anak na naglalaro.
"Ang ibig kong sabihin ay kung hi
