"Paano yan, Martin, anong gagawin natin?" Pag-aalala ni Rita. "Alam na ba ng mommy mo ang tungkol kay Sophia?"
"Hindi. Wala pa siyang alam. Tingin ko ay pupunta lang yun dito para pauwiin ako."
"Bakit kasi hindi ka pa bumalik sa inyo?" Sabat ni Anthony. "Bakit kasi isinisiksik mo pa ang sarili mo dito? Tuloy madadamay pa ang ate ko kapag nalaman ng pamilya mo na may anak ka sa kanya."
"Anton." Saway ni Rita.
Ngunit hindi nagpaawat si Anthony. "Ang sabi ni ate ay matapobre daw ang nanay mo, baka matahin lang n'ya si ate sa pagbibigay sa kanya ng apo. Nakakahiya naman sa kanya. Kung hindi uli magiging maganda ang pagtrato ng pamilya mo sa ate ko, mas maganda siguro kung puputulin mo na rin ang ugnayan mo sa amin."
"Anton, tama na. Ano ba?" Nakaramdam ng hiya si Rita d
