Nang papalapit na si Roda ay bigla namang inakay ni Martin ang babae sa loob ng sasakyan nito. Dali-dali siyang bumalik sa sasakyan at pinasundan sa driver ang sasakyan ng anak.
Pinasundan ito ni Roda hanggang sa makarating siya sa isang hotel. Hindi tuloy mapigilang maglaro ang isip n'ya kung ito na kaya ang katuparan sa pagkakaroon n'ya ng apo? Excited niyang sinundan ang dalawa.
Kumubli siya nang nasa receptionist na ang dalawa. Nang makita niya ang isang waitress na umakay sa dalawa ay naisip niya na tila nag-book ng private room ang mga ito. Nagpalipas muna siya ng sampung minuto bago lumapit sa receptionist. Nang magpakilala s'ya bilang ina ni Martin at sabihing may meeting siya dito, ay kaagad ibinigay ng receptionist ang kwarto nito.
Nang magtungo siya sa kinaroroonan ng mga pri
