Ilang linggo pagkatapos n'ya pumayag na magbakasyon sa Cagayan ay nag-file na ng ten days vacation leave si Millen. Na-approve naman agad ito dahil sa tinagal-tagal n'ya sa kumpanya ay iyon ang natatanging leave na ina-applyan n'ya. Nagulat pa ang taga-HR.
"Nakakabigla naman dahil naisipan mong mag-leave. Malaki na ang utang ng kumpanya sa leave credits mo," biro ng HR manager sa dalaga.
"Hindi naman po dahil binabayaran naman ako sa mga hindi ko nagagamit na leave," magalang na sagot n'ya.
Napagkasunduan nila ng Boss na mauna itong magpaalam na mag-file ng indefinite leave. Sa susunod na linggo magsisimula ang leave n'ya. Marami ang nagtaka dahil sa leave request n'ya. Ipinagbilin muna n'ya sa sekretarya ang mga kailangan gawin at sa taong hahalili sa kanya habang wala s'ya at nasa ba
