Pangalawang araw ng dalaga sa Quirino kasama ang Boss. Na-bothered s'ya sa naging takbo ng usapan nila ng Ginang kaya hindi s'ya gaano nakatulog. Matamlay na bumangon ang dalaga alas sais pa lang ng umaga.
"Kumusta naman ang naging tulog mo?" nag-aalalang tanong ni Mark dahil napansin nito ang pangingitim ng mga mata n'ya.
"Okay lang, siguro nasobrahan ako sa excitement ko kahapon hanggang ngayon." Saad ni Millen.
Nais n'ya ito makausap ng masinsinan dahil ayaw n'ya ito bigyan ng hindi magandang kahulugan ang lahat ng ginagawa at pinapakita nito. Ayaw n'ya magpaasa at malagay sa alanganin ang anumang mayroon sa kanila. Nagtapat na ito minsan sa kanya sa Tagaytay ngunit hindi n'ya ito sineryoso.
"Ganun ba, mamaya mag-iikot tayo sa farm. Tiyak na matutuwa ka," pahayag nito at sinabaya
