HINDI makapaniwala si Damon sa kaniyang muling paglabas, dahil sa loob mismo ng tahimik na kuwarto, at walang nangyayaring dahas sa paligid.
May pagtataka man kung paano siya napalabas, mas nangibabaw pa rin ang tuwa at saya niya.
“I'm back! Finally, I'm back again!” wika niya at malakas pang napatalon ng isang beses sa tuwa.
Nang mapatingin siya sa wall clock ay pasado alas dose na ng gabi.
“Andy. Si Andy!” Bigla siyang napahinto nang maalala si Andy. Hanggang sa bigla na lang tumakbo palabas ng room.
Pagkalabas ay agad niyang pinuntahan isa-isa ang bawat room at marahan na pinagbubuksan ang mga pinto. Sa huling room ng second floor nang mapahinto siya pagbukas dahil nakita niya ang isang babaeng nakahiga sa kama habang nakatalikod.
Lumakas ang t***k ng puso niya at biglang napangit
