ABALA sa dumbbell si Bryle nang makitang pumasok si Brianne doon sa mini gym ng safe house. Hindi ito naka-gym suit ngunit litaw na litaw naman sa suot nitong maikling shorts ang napaka-sexy nitong legs kagaya ng kay Toni G.
Gayunpaman ay hindi maaalis ng maganda nitong legs sa isip niya ang sinabi nito noong araw na huli silang manggaling sa talon. Tinawag na nga siya nitong bastos, ipinamukha pa nito sa kaniya na walang halaga para rito ang presensya niya at marahil pati na rin ang mga nagawa niya.
Iniiwas niya ang tingin dito at ipinagpatuloy ang ginagawa sa dumbbell. Kumilos naman ito at tahimik na humakbang papasok palapit sa treadmill.
Inihinto niya ang ginagawa at ibinaba ng maayos ang mga hawak saka kumilos upang lumabas para maiwasan ito.
"Bryle," untag nito sa kaniya kaya nat
