SINUKLAY ni Camilla ang mahabang buhok habang nakatingin siya sa vanity mirror na nasa loob ng kwarto na tinutuluyan. Gusto sana niya iyong itali pero naisipan na lang niyang ilugay dahil medyo basa pa iyon ng konti. Nang matapos niyang suklayin ang buhok ay tiningnan niya ang sariling hitsura sa salamin. Sa tingin niya ay okay naman ang ayos at hitsura niya. Presentable naman siyang tingnan.
May pupuntahan kasi sila ni Ford Dean ngayong araw. Tumawag kasi kagabi si Tita Dana at gusto nito na magtungo silang dalawa ni Ford Dean sa mansion ng mga ito. Magluluto daw ito para sa kanila. At nabanggit din ni Tita Dana na lahat ng anak nito ay naroon.
Sinabi nga niya kay Tita Dana na si Ford Dean na lang at kahit na hindi na siya sumama. Nahihiya kasi siya at hindi siya belong sa pamilya De
