NAPANGITI si Camilla ng makontento siya sa lasa ng niluluto niyang ulam para sa dinner nilang dalawa ni Ford Dean. Sinigang na baboy ang niluto niya ng sandaling iyon. Tinanong kasi niya ang lalaki kanina kung ano ang gusto nitong iluto niya at iyon ang sinabi nito sa kanya. Mabuti na lang at kompleto ang ingredients sa fridge kaya nakapagluto siya ng gustong ulamin nito.
Nang ma-kontento sa niluto ay pinatay na niya ang stove. Inayos na din niya ang mesa para makapag-umpisa nang kumain si Ford Dean. Nang natapos ay lumabas siya ng kusina para tawagin ito.
Bubuka sana ang bibig ni Camilla para tawagin ang atensiyon ni Ford Dean ng mapahinto siya ng marinig niya ang galit na boses nito. Nakita niyang may kausap ito sa cellphone nito. Napansin nga din niya na halos mag-isang linya ang mg
