Adriana’s Point of View
Dalawang araw na ang lumipas simula nang pumunta ako sa Strings of Fate at maka-usap ang agent ng RnJ na si Fac Yu. Kasalukuyan akong nasa condo unit kasama si Trixie. Nakatuon ang aking atensyon sa aking isinusulat na nobela samantalang siya naman ay abala sa pagbi-binge watch ng RuPaul’s Drag Race. Sa kalagitnaan ng aking pagsusulat ay napatingin naman si Trixie sa akin.
“Beshy,” ang pagtawag naman niya sa akin kaua napatingin ako sa kanya. “Akala ko ba, abala ka sa paghahanap ng lalaking magpapanggap bilang asawa mo?” tanong niya sa akin. “Hindi mo na ba kailangan?”
“Kailangan ko pa rin,” ang tugon ko naman. “Ang totoo niyan ay… may nahanap akong tutulong sa akin sa paghahanap.”
“Sinech itey?” Naalala ko naman ang waiver na aking pinirmahan. Hindi ko dapat s
