Lumapit si Aila kay Yamilla. Hihilingin niya sana sa dalaga na abutin ang kamay niya para makasampa sa kabayo. Pero bago pa man niya magawa iyon ay umangat na siya mula sa lupa at agad na naisakay sa bandang likuran ni Yamilla.
“Kumapit ka ng maigi sa kanya. Baka mahulog ka.” paalala pa ni Cairo at agad na itong sumakay sa kabayo nito.
Nakatulala pa din siya sa binata nang marinig niyang magsalita si Yamilla. “Kumapit ka sa akin, Aie. Lalarga na tayo.”
Napahawak nga siya kay Yamilla nang umuga ang kabayo nila.
Si Ryeuki ang namumuno sa rutang binabaybay ng grupo nila. Tutal, ito naman ang pinuno ng lugar na iyon, mas alam nito kung saan ba sila dapat na magpunta. Sumusunod lang sila rito.
“Okay lang ba na wala si Ryeuki sa kastilyo niya? I mean siya ang pinuno ng lugar nila. Para si
