Kanina pa siya nakatingin sa salamin pero hindi niya alam kung okay na ba ang istura niya. Nahihiya lang siyang tumanggi kanina kay Doctor Albano nang magyaya ito sa kanila na isasama sila sa mall para mamasyal at mag-lunch. Pagkatapos maligo ay nurse uniform pa rin ang isinuot niya dahil aalalay lang naman siya kay Duncan.
Naglagay siya nang manipis na lipstick at kaunting blush on. Ibinulsa ang cellphone saka lumabas ng silid para puntahan si Duncan. Pagpasok niya sa silid nito ay naroon ang Mommy nito na nakabihis na rin.
"Don't tell me 'yan ang suot mo sa mall?" gulat pero nakangiting tanong ni Danica Albano.
"Okay naman ho ang suot ko," ganting ngiti niya.
"No. Magmumukha namang high school ang anak ko na may yaya pa. Halika, marami akong damit na hindi naman ginagamit sa
