Eksaktong dalawang buwan ni Layla sa mansyon ng mga Albano nang magpaalam siya kay Danica na isang buwan na lang ang ilalagi niya para alagaan si Duncan.
"Magaling na ho siya. Kaya niya na kahit once a week na lang na therapy," paliwanag niya.
"Nasabihan mo na ba si Duncan?" tanong nito sa kanya.
"Hindi pa ho. Pero siguro'y papayag naman 'yun."
"Mami-miss ka namin sa hapagkainan," nakangiting wika ng ginang. "Sana'y magkaroon ka pa ng time para pumasyal dito."
Isang ngiti lang ang isinagot niya dahil alam niyang malabo na'ng mangyari 'yun. Kapag nagtrabaho na siya kay Mr. Dela Guardia ay mauubos na ang oras niya. Tiyak din niyang hindi na niya kayang humarap sa mga ito dahil sa trabaho niya.
Pagkatapos niyang magpaalam kay Danica Albano ay pinuntahan niya si Duncan para dito naman
