Kanina pa s'ya paikot-ikot sa salamin pero hindi n'ya alam kung sapat na ba ang suot n'ya para hindi s'ya maalangan kay Duncan. Bumukas ang pinto ng silid n'ya at sumungaw ang nakangiting mukha nito.
"Parang ayaw mo nang lumabas d'yan?" natatawa nitong wika. Naka-coat and tie ito at nakapamulsa ang mga kamay habang sinusuri s'ya mula ulo hanggang paa.
"Bakit kasi kailangan mo pa 'kong isama."
"Para mainggit sila."
"As if naman kainggit-inggit akong kasama."
Lumapit si Duncan saka hinawakan ang mukha at itinaas.
"Dina-down mo na naman ang sarili mo," anito.
"Masyado mo lang akong pinupuri," sagot n'ya. Ngayon lang s'ya muling nakadama ng pagpapahalaga mula nang laging napapaboran ng mga magulang si Thea. Nasanay siyang ang tingin ng tao sa kanya ay pangkaraniwan lang. Si
