Hindi na ako nagulat kinabukasan ng umaga ng ibalita sa akin ni mama ang muling pagbabalik sa operation ng factory. Maaga pa lang ay kinatok niya ako sa aking silid para sabihin ang magandang balita. I already expected this dahil kagabi pa lang habang nasa daan kami pauwi ni Oliver ay may tinawagan siyang tao at sinabihan ito na bukas na bukas ay maaari ng alisin ang temporary closure ng Lorenzano and Lorenzano Textile.
Maaga rin naghanda ng breakfast si mama at halatang maganda ang gising niya dahil espesyal ang agahan namin kumpara sa nakasanayan na. Habang magkasalo kaming tatlo ni papa sa hapag-kainan ay hindi mag-kandamayaw si mama sa kakasalita dahil sa labis na kagalakan.
“Siguro ay nagising ng city office na nagkamali sila sa pagpapasara sa factory kaya binawi na nila ang tempo
