Chapter 24
Nang makabalik si Raevan dito sa silid ay kasama na niya si Jasmine. Nakasuot lang siya ng puting roba at sa tingin ko’y naka-two piece siya sa loob.
“Kanina pa namin kayo hinihintay. Bale sina Romeo na lang ang hinihintay at kumpleto na tayo,” saad ni Jasmine. Nahuli ko pang namula ang magkabilang pisngi niya pagkabanggit ng pangalan ni Romeo.
Nauna ng bumaba sina Raevan at Rafaela. “Magbihis ka na, Vivien,” saad ni Jasmine. Nilingon ko ang damit na suot.
“Ayos na ako dito,” nakangiting wika ko sa kaniya at ngumiwi naman ang maganda niyang mukha.
“Seryoso ka?” Nakangiwing tanong niya at pinasadahan ako sa suot kong damit.
Umiling siya. “Hindi allowed ‘yan dito sa resort ni Tito Kevin,” wika niya.
“E… wala rin akong swimsuit at saka hindi ko kayang—”
“Halika. Meron akong
