Pagbalik niya ay may dala-dala siyang tray at naglalaman ng mga pagkain para sa hapunan. Nakangiti pa siyang nakatingin sa akin pagkabukas na pagkabukas pa lang ng pinto. Napalingon tuloy ako sa vase kung nasaan ko nilagay ang perang kinuha ko. Alam kong mali ‘yong ginawa ko pero ayokong ibalik. Kung ibabalik ko man, kapag nakita nila o ako talaga ang pinagbibintangang kumuha. Dumadating sa punto na napipilitan akong ibalik kung ano ang ninakaw ko. Ganito na talaga ako noon pa. Kapag may ninanakaw akong gamit. . .nasa dalawang choices lang. Itatago o ibebenta. Wala sa pagpipilian ang ibalik.
Madalas sa dalawa ay ibinibenta ko. Pasimple kong nilalagay sa wallet ni Mama ang pinagbentahan ko. Kahit kanino ko lang ‘yon dinadala basta sa taong hindi ako kilala. Mahirap alisin dahil mabilis ako
