Maaga akong nagising para gumayak na. Suot ang malaking t-shirt ay kasalukuyan na akong nagsusuklay. Humihikab pa ‘ko sa harap ng maliit na salamin habang sinusuklay ang mahaba kong buhok. Napansin kong mabilis na humaba ang buhok ko buhat nang magbuntis ako. Gumanda rin lalo ang mga hibla at kumintab. Hindi rin ako mukhang stress tignan kahit na nabibitin ako sa tulog.
Gusto ko lang humilata maghapon at para bang tinatamad ang katawan kong pumasok ngayon. Pero pang-ultrasound ni baby ang sasahurin ko kaya bawal tamarin. At saka, ngayon pa ba ako tatamarin ngayong malaki na ang tiyan ko? Hindi pwede at maikli na lang ang panahon para makapag-ipon. Ilang buwan na lang makikita ko na siya at mahahawakan. Next week, makikita na ang gender niya. Kapag may sobrang pera ako, titingin ako ng ila
