Chapter 31
Maagang nagising si Mona. Samantalang ako… heto at dilat na dilat pa. Hindi na talaga ako dinalaw ng antok ko kagabi.
“Ang sarap matulog dito. Payapa at tahimik,” wika ni Mona habang nagtutupi ng kumot.
“Oo nga,” sabi ko na lang kahit na napuyat ako sa kakaisip sa underwear na ‘yon.
Matapos kaming magligpit ng hinigaan ay magkasunod kaming naligo ni Mona. Nilabhan din namin ang mga uniform para may masuot kami para bukas. Maganda naman ang panahon ngayon kaya tiyak na matutuyo rin mamaya ang mga nilabhan namin.
Pagkatapos naming gumayak ay tumungo na kami sa kusina para makapagkape na. Nagtimpla ako ng matapang para magising ang diwa ko. Alas sais ang simula ng trabaho at alas singko pa lang ng umaga. May isang oras pa para makapagkape. May isang oras pa para magising. Para
