“Come here,” saad ni Raevan.
Hindi ko alam kung ako ba o si Rafaela ang tinatawag niya. Wala naman kasing binabanggit na pangalan.
Cheese sticks daw ang gagawin namin para sa meryenda. Kasalukuyan akong naghihiwalay ng lumpia wrapper. Si Rafaela naman at si Raevan ay naghihiwa ng cheese. May sariling kutsilyo si Rafaela pero pambata lang at hindi nakakasugat. Cheese lang naman ang hihiwain kaya nakakahiwa pa rin naman kahit plastic. Mukhang susunod siya sa yapak ng daddy niya. Tuwang-tuwa kasi siyang magluto. Gustong-gusto niya ang ginagawa. Kitang-kita ko ‘yon sa kaniya.
“Come here,” sabi niya uli.
Tinuro ko ang sarili ko. “A-ako ba?” paniniguro kong tanong.
“Sino pa nga ba?” tanong niya. Dapat kasi may pangalan para alam kung sino. Tapos siya itong magsusungit kapag hindi naintind
