Masakit ang ulo ko. Iyon ang nagpagising sa akin. Nanaginip pa ako kagabi. Kasama ko raw si Sir Raevan. Maraming nangyari na nakakahiyang iditalye dahil ginawa ko raw ang mga bagay na hindi ko lubos maisip na magagawa ko.
“Gising ka na pala,” bungad ni Mona. Mukhang kanina pa siya bihis kaya naalarma ako. Anong oras na ba? May dala pa siyang tray ng nakatakip na mangkok. Hindi ko alam kung anong laman no’n pero mabango.
“Anong oras na?” Tanong ko at agad na bumangon.
“Humiga ka lang diyan. Sasakit ang ulo mo,” wika niya. Nasapo ko agad ang noo dahil tama nga siya. Sumakit nga no’ng tumayo agad ako.
Umupo na lang ako sa gilid ng kama. Nilapag naman ni Mona sa maliit na lamesa ang tray na dala niya.
“Kainin mo muna ‘to habang mainit,” saad niya at inangat ang takip ng mangkok.
“Pagkata
