TUMULOY si Xander sa bahay ng magulang niya na matatagpuan sa Antipolo mula sa Queen's bar.
May ilang oras din ang nagdaan bago siya nakarating sa tahanan ng mga ito. Inabutan kasi siya ng traffic dahil sa pag-uusap nila ni Jomar kaya alas-otso na siya nakarating sa lugar.
Isang preskong hangin ang sumalubong sa kanya pagbaba at paglabas niya ng itim na kotseng minamaneho. Pinagmasdan na muna niya ang tahanan na may dalawang palapag, cream ang kulay ng pader nito. Mayroong balkonahe sa itaas na palapag na sinusuportahan ng mga pininturahang bakal. Maraming halaman sa mga gilid na halatang alaga ng nanay niya.
Sa kabuuan ay para bang walang problema ang mga taong nakatira doon. Tila may masayang enerhiya na ibinibigay sa kanya ang bungad ng tahanan. Nang mapagsawa ang mata niya sa pali
