NANG sumapit ang alas-singko ng madaling-araw, naghanda si Xander para lumabas sa maliit niyang opisina sa ikalawang palapag ng Queen’s bar. Plano niyang umuwi sa Antipolo kung saan nakatira ang magulang niya. Nais niyang ipaalam na nasa kritikal na kundisyon ang bar.
May sakit ang tatay niya at nanay niya ang kasalukuyan na nag-aalaga rito.
Limang taon siya nang ampunin siya ni Marco Montero, ang kinilala niyang ama simula nang mamatay ang magulang niya na matalik na kaibigan nito.
Lumubog ang bangkang sinasakyan ng pamilya niya mula Mindoro patungong Batanggas at siya lang ang kaisa-isang nabuhay. Isang sugat iyon na hanggang sa mga oras na iyon ay patuloy na bumibisita sa kanya para bangungutin siya sa gabi lalo na kung anibersaryo ng pagkamatay ng mga ito. Ito rin ang dahilan kung
