CHAPTER SEVEN
“Eillaine, wala ka na bang nakalimutan?” tanong ni Xiello pagkatapos isara ang kanyang maleta. Mamayang gabi na ang kanilang flight pauwi ng Pilipinas at napagdesisyunan niyang doon muna manatili ng ilang buwan para humupa ang gulong ginawa ni Jules.
Isang lingo na simula nang i-anunsyo ni Jules ang pagpapakasal nito sa Prinsesa ng Wales at ang pagtatangka rin nitong sirain ang career niya bilang modelo.
Nang mabalitaan ni Jules ang tungkol sa pekeng litrato niya kasama ang isang lalaking modelo sa kanyang Club ay ipinahayag nito sa lahat ng tao na ang dahilan nang pakikipaghiwalay nito sa kanya ay dahil sa pagiging malandi niya at hindi pagka-kuntento rito bilang partner niya.
Nagulat siya sa ginawa nito at talagang gusto na niyang magwala dahil sa maling
