“Mag-toothbrush ka na muna liligpitin ko lang ang mga ito,” utos ni Rex kay Grace, matapos nilang kumain.
“Wala akong tootbrush,” sagot naman nito sa kaniya.
Inihinto naman niya ang pag-iimis sa lamesa saka mabilis na nagtungo sa kaniyang silid at dumiretso sa banyo. Inilabas niya ang extra toothbrush niya roon at inilapag sa sink kasama ng toothpaste at malinis na towel. Nang masiguro niyang kumpleto na ang gagamitin ni Grace, saka lang siya lumabas ng kaniyang silid.
“Okay na, nasa sink na ang toothbrush mo saka towel. Puwede ka ng magsipilyo,” nakangiti niyang turan sa dalaga.
Napamaang naman si Grace sa kaniya. Hindi na lang niya iyon pinansin at mabilis ng kumilos para mag-imis. Nang hindi pa rin kumikilos ang dalaga ay saka lang siya ulit nagsalita.
“Sige, kung tinatamad kang k
