"WALA pang thirty 'di ba, Sir?" si Lenlen kay Sir JC. Hawak niya ang cell phone na may screenshot ng picture ng boyfriend ni Ate Shaleng. Hinuhulaan niya ang age ng lalaki. Nasa kuwarto siya ng boss. Pareho silang nakaupo sa kama, nakahilig sa mga unan sa headboard. Nag-break muna si Sir JC sa moment nito kasama ang laptop kaya nakapag-usap sila. Napunta ang topic sa pagiging MIA ni Ate Shaleng. Naalala naman ni Lenlen na banggitin kay Sir JC ang pag-stalk niya sa sss ng cook at ni Paqyo—ang pangit talaga ng pangalan!
Mga lampas eleven PM na iyon. Si JD at mahimbing na ang tulog sa kuna. Utos ni Sir JC na ipasok muna sa kuwarto nito ang kuna.
Ngiting-ngiti si Ate Shaleng sa picture na ini-screenshot niya. Ang maskuladong lalaking katabi ay nakahawak sa kalbong ulo, naka-half smile at kul
