NAKANGITI si Lenlen paglabas ng kuwarto ni Ellah kung saan siya nakiki-share mula nang dumating siya sa Pugad Agila. May isang oras din siguro siyang nagbabad sa sss at nakibalita sa mga dating kaklase. Sumagod na rin siya ng mga private messages.
"Success, ate Ellah! 'Balik real world na talaga ako. Nag-update na ako sa f*******:! New profile photo, new status, edited bio—" putol agad ang sentence nang pag-angat ni Lenlen ng tingin mula sa pinagkaka-abalahang cell phone ay nakita niya ang matangkad na pigura ni Sir JC. Karga nito si JD na may hawak pang baby bottle at dumedede. Nasa sala ng bahay ni Ella ang mag-ama...
"Baka kailangan mo rin e-edit ang relationship status mo, Len," ngingiti-ngiting sabi ni Ate Ellah bago sila iniwan sa sala.
Nagpapahina ng tuhod ang kabog na naramdaman
