NAG-STAY ng mga thirty minutes lang si Lenlen. Dalawa lang sa apat na boarders ang nakausap niya. Ang dalawang estudyante ay nasa school na. Uminom lang siya ng malamig na tubig at nagpaalam na rin. Sinamahan siya ni Liann hanggang sa sakayan ng tricycle. Hindi nakapalag ang mga tsismosa dahil inunahan na ni Liann ng parinig habang naglalakad sila.
"O, 'yong mga suwangit na tsismosang mga tigang diyan!" parinig nito habang naglalakad sila palapit sa kumpol na dinaanan niya kanina. "Iparinig n'yo sa akin ang bagong tsismis! Sige na! Magsalita na kayo. Siguraduhin n'yo lang na hindi ko kilala ang pinagtsitsismisan n'yo dahil kung oo, ingungudngod ko'ng mga mukha n'yo sa semento!" Patuloy nito. "Subukan n'yo ako isang beses lang! Isang isa lang talaga, may ngusong hahalik sa sementadong kals
