الجزء السادس

1010 Words

ام هاجر ارتاحت جدا لسميرة وسماحتها ووشها البشوش وقالتلها انا لو قلقانه مكنتش بعتهم من الاول لكن اتأخرو خوفت حد يضايقهم ع البحر وهما راجعين سميرة: متقلقيش كنت هخلي بابانا يوصلهم ام هاجر: حبيبتي تسلمي كلك ذوق والله ..يلا يابنات كفايه النهاردة كده بكرة بقى السهرة عندى هستناكى ي ام جهاد قعدتنا هتعجبك اوي سميرة : ان شاء الله والله انا اتشرفت بمعرفتك جدا استأذنت ام هاجر والبنات ومشوا ودخلت جهاد واختها الشاليه ومعاهم مامتهم وباباهم وقعدوا يحكوا اللي حصل معاهم واد ايه هما لعبوا واتسلوا مع بعض سهاد: وبتقولي هاجر ياماما انى هبقى قتالة قتلة شوفتى بقى الجمال ده هيبقى بيقتل الام: بصراحة ياحبيبتي هى مكدبتش انتى بلطجية فعلا وكملو ضحك وجهاد قالت: يلا ي ماما جيب الكوتشينة ونلعب اللعبة دى تاني الام: لعبة ايه ياحبيبتي جهاد: نفتح الكوتشينة ياماما الاب: يلا كفاية لعب كده قوموا ننام علشان نصحى للبحر من بدري وفعلا قاموا كلهم يناموا وطلع النهار وجهزوا فطارهم وساندوتشاتهم وطلعوا للبحر نزلوا المياه وقابلو هاجر وشيماء ومامتهم وصحبتها واتعرفوا كلهم على بعض وحسوا ب انهم يعرفوا بعض من زمان سابهم يوسف علشان يكونوا براحتهم وراح يعوم في مكان بعيد عنهم والبنات بيلعبوا سوا بالكورة في البحر وسميرة وام هاجر وصحبتها اسمها ولاء واقفين مع بعض ام هاجر لازم بليل نسهر سوا سهرتنا هتعجبك اوى ياسميرة دى ولاء بتفتح الكوتشينة وكلامها مبيخيبش هخليها تفتحهالك سميرة: تصدقي جهاد امبارح قالتلي انهم لعبو اللعبة دى لكن انا مركزتش هو ايه موضوع فتح الكوتشينة ده ولاء: بشوفلك الطالع عن طريق ورق الكوتشينة سميرة: وده مش حرام ياولاء ام هاجر: لا ياختى ده لا دجل ولا بفلوس ده احنا بينا وبين بعض كده بهزار يعني سميرة: اه لو بهزار كده وماله نجرب هنخسر ايه خلصوا البنات لعب بالكورة وقرروا يعوموا شواية وجهاد شاطرة اوى في العوم وده خلاها تسبقهم وبرغم انها وصلت لمكان مفيش طول ليها فيه الا انها كانت عايزة تدخل جوة اكتر لكن متعرفش ازاى حسيت ان فيه حاجة بتدفعها لقدام علشان تخرج للشاطئ وكل ماتحاول تعوم لجوة البحر تحس ان فيه حد بيرجعها لحد م استسلمت انها ترجع وتخيلت ان ده اندفاع الموج خرجت جهاد للبنات وعاموا مع بعض شواية لكن حاجه غريبة جوة جهاد خليتها متدخلش جوة تاني وقرروا يخرجوا برة يلعبوا ع الرملة شواية وفعلا ابتدوا يلعبو ويبنوا بيوت واشخاص من الرملة وحاجات شكلها جميل لحد ماابتديت الشمس تروح وقررو البنات يسيبوا امهاتهم وينزلوا البحر تاني علشان ينزلوا الرمله اللي على جسمهم وفعلا دخلوا البحر تاني لكن المرة دى جهاد بمجرد ماغطست حسيت ان فيه حاجة بتسحبها لتحت ولقيت نفسها مش عارفه تتحكم في جسمها ولا قادرة تخرج ونفسها اتكتم حسيت انها بتغرق علشان في لحظة ايد تسحبها لفوق وتلاقي نفسها خرجت على الشاطئ في توقع منها ان حد من البنات هو اللي خرجها واتفاجئت ان البنات واقفين مع بعض بعيد عنها وبعيد عن الشاطئ خافت جهاد وقررت انها مش هتنزل تاني البحر في اليوم ده وقعدت جنب مامتها وام هاجر وولاء وكان باباها رجع الشاليه اخد الدش بتاعه وقعد برة زى م جهاد وصحباتها كانو قاعدين بليل ولاء بصوت واطى في ودن جهاد: حبيبتي في حاجة حصلتلك في البحر جهاد متفاجأة: حاجة ايه ياطنط لا مفيش حاجة ولاء: متأكدة جهاد علشان محدش يقول بيتهيألها: اه ياطنط متأكده انا بس فرهدت لعبنا وعومنا كتير النهاردة ولاء: طيب ياحبيبتى ابقى خلى بالك جهاد: من ايه ياطنط ولاء: من اي حاجة تحصلك ولو حصلتلك حاجة غريبة قوليلي متقلقيش مني جهاد ب استغراب: حاضر ياطنط شكرا جدا ماما انا هدخل الشاليه اخد دش بقى علشان بدأت احس بالبرد سميرة: ماشي ياحبيبتي خلصي وطلعى الاكل من التلاجه جهزيه لحد مانرجع احنا كمان جهاد: حاضر ياماما يلا سلام عليكم كلهم: وعليكم السلام ياحبيبتي ولاء: سميرة هي بنتك فيها حاجة سميرة: حاجة ايه ياولاء مالها ماهى زى الفل اهي ولاء: لا حاجه بتحس بيها حاجة بتحلم بيها كده يعني سميرة بصالها ب استغراب وكأنها اتفاجئت ان ممكن تكون جهاد حكيت لهاجر حاجة وهي اللي قالت لولاء وهنا خرجو البنات من البحر وعايزين يرجعوا الشاليه بقى علشان يتغدوا وينزلوا يتمشوا وبرغم ان سميرة لسه مستغربة الا انها رديت على ولاء : بليل لما نقعد سوا نتكلم وافهم منك ليه بتقولي كده ولاء ب ابتسامة: ماشي هنستناكى بقى كل واحدة منهم خدت بناتها وحاجتها وراحوا على الشاليه بتاعهم ام هاجر: في ايه ياولاء كنتى بتوشوشي سميرة على ايه ولاء: امشي دلوقتي علشان البنات نبقى لوحدنا واقولك ام هاجر: قلقتيني بس ماشي دخلت سميرة وسهاد الشاليه كانت جهاد محضرة الغدا وجهزت كل حاجة وكمان اخدت دش وغيرت هدومها وعملت لباباها حاجة يشربها لحد م مامتها وسهاد يوصلوا سميرة: بنتى القمر ياناس بقيت اقدر اعتمد عليها بقيتي شطورة ياجهاد وست بيت كمان الاب: ايه اشوفلها عريس يعني سميرة: بس يايوسف بلاش تريقة عريس ايه شهادتها الاول اهم من اي حاجة يوسف: قصدك اني مش مهم سميرة: وانت مالك بقى دخلت نفسك ليه يوسف: ماهو انا اتجوزتك قبل ماتخلصي تعليمك يبقى انتى شايفة ان شهادتك كانت اهم مني سميرة: لا ياحبيبي خالص انا بتكلم على زمنهم هما الشباب بتوع دلوقتي غيرنا وغير ايامنا البنت لازم يبقى معاها شهادة علشان يوم ماجوزها يتخلى عنها متحتاجش لحد وتقدر تشتغل هي بشهادتها متتبهدلش لكن احنا ايامنا الراجل اه عصبي ومش كامل لكن الست كانت بتستحمل وتخاف من خراب البيت لحد مابيتعودوا على طباع بعض وبيفهموا بعض مبيستعجلوش ع الخراب يوسف: تصدقي مع ان بداية كلامى كان هزار الا انك فعلا عندك حق وانا اكيد مش هفكر اجوزهم قبل مايخلصوا تعليمهم وتبقى معاهم شهادات محترمة جهاد : ربنا يخليكم لينا وتفضلوا علطول بتشجعونا وتسندونا كده سهاد: لا يابابا انا مش هتجوز خالص احسن جوزى يطلع بيزعق زيك وانا مش بحب الزعيق ضحكو كلهم بصوت عالى الاب: ايه ده ياسهاد انتي مش بتحبيني سهاد: لا طبعا انت بابا لازم احبك لكن انت لما بتزعقلي مش بحبك الاب: وهو فيه حد يحب حد في اوقات واوقات سهاد: ايوة مش انت لما بسمع الكلام بتحبني وتقولي شاطرة الاب: اكيد سهاد: ولما بغلط بتزعقلي وتتعصب عليا الاب: اكيد كمان سهاد : ماهو العصبية والزعيق دول كره يابابا يعني انت بتحبني اوقات واوقات اهو ضحك الاب: انا بحبك علطول ياسوسة انتى لكن لما بزعقلك بيبقى علشان عملتى حاجة غلط مش علشان بكرهك مفيش ابدا ام او اب بيكرهوا ولادهم فهمتى يالمضة سهاد: فهمت يعني لما تزعقلي ازعقلك علشان انت بتبقى بتعمل حاجة غلط ضحك كلهم الاب: كلي يابت انتى كلي وفجاءة قطعت الكهربا وابتديت جهاد تصرخ .

Free reading for new users

Scan code to download app

App Store Google Play

Facebookexpand_more